ក្រុមហ៊ុនជប៉ុនមួយ ប្រកាសបើកប្រាក់ខែមួយផ្នែកឱ្យបុគ្គលិកជា Bitcoin
- 2017-12-15 11:45:07
- ចំនួនមតិ 0 | ចំនួនចែករំលែក 0
ក្រុមហ៊ុនជប៉ុនមួយ ប្រកាសបើកប្រាក់ខែមួយផ្នែកឱ្យបុគ្គលិកជា Bitcoin
ចន្លោះមិនឃើញ
ស្រីអ្នកនាំពាក្យម្នាក់ឱ្យដឹងនៅថ្ងៃទី ១៥ ធ្នូនេះថាក្រុមហ៊ុនជប៉ុន GMO Internet នឹងចាប់ផ្តើមបើកប្រាក់ខែឱ្យបុគ្គលិករបស់ខ្លួនជាកាក់មាស Bitcoin ស្របពេលដែលក្រុមហ៊ុនចង់ស្វែងយល់ឱ្យកាន់តែស៊ីជម្រៅនៃរូបិយប័ណ្ឌឌីជីថលមួយនេះ ។
ក្រុមហ៊ុន GMO Internet ដែលប្រតិបតិ្តការលើអាជីវកម្មពាក់ព័ន្ធនឹងវិបសាយរួមមានហិរញ្ញវត្ថុ ការផ្សាយពាណិជកម្មលើអនឡាញ និងហេដ្ឋារចនាសម្ព័ន្ធអ៊ីនធើណិតនឹងចាប់បើកប្រាក់ខែ ៨៩០ ដុល្លារគិតជា Bitcoin ទៅឱ្យបុគ្គលិកចាប់ពីខែកុម្ភះឆ្នាំ ២០១៨ តទៅ ។ ស្រីអ្នកនាំពាក្យ Harumi Ishii ប្រាប់សារព័ត៌មាន AFP ថា បុគ្គលិកអាចបើកប្រាក់ខែជា Bitcoin បើសិនជាពួកគេចង់បាន ។ យើងសង្ឃឹមថានឹងបង្កើនការយល់ដឹងនៃរូបិយប័ណ្ឌ Bitcoin តាមរយៈការប្រើប្រាស់ផ្ទាល់ ។ ការបើកប្រាក់ខែជា Bitcoinនេះនឹងផ្តល់ជូនដល់បុគ្គលិក ៤ ០០០ នាក់នៃក្រុមហ៊ុន GMO Group ក្នុងប្រទេសជប៉ុនខណៈក្រុមហ៊ុនបានចាប់ផ្តើមជួញដូរ Bitcoin និងផ្លាស់ប្តូរពាណិជ្ជកម្មកាលពីខែឧសភាកន្លងទៅហើយនៅខែមករា ២០១៨ ខ្លួននឹងចួលរួមអាជីវកម្ម “Bitcoin Mining” ដោយទទួលបានសិទ្ធិដើម្បីបាន Bitcoin ថ្មីៗជារង្វាន់សម្រាប់ជួយការពារបណ្តាញដោយអមុម័តលើប្រតិបត្តិការ ។
គួរបញ្ជាក់ថា តម្លៃកាក់ Bitcoin បានស្ទុះឡើងនៅទូទាំងពិភពលោកក្នុងឆ្នាំ ២០១៧ នេះដោយស្ទុះចាប់ពីតម្លៃតិចជាង ១ ០០០ ដុល្លារកាលពីខែមករារហូតដល់តម្លៃ ១៧ ០០០ ក្នុងសប្តាហ៍នេះ ៕