គ្រូ Atletico ថា Griezmann អាចចាកចេញពីក្លឹបបាន បើចង់
- 2017-12-15 12:33:12
- ចំនួនមតិ 0 | ចំនួនចែករំលែក 0
គ្រូ Atletico ថា Griezmann អាចចាកចេញពីក្លឹបបាន បើចង់
ចន្លោះមិនឃើញ
អ្នកចាត់ការក្លឹប Atletico Madrid លោក Diego Simeone ក្នុងថ្ងៃនេះ បាននិយាយថា ខ្សែប្រយុទ្ធ Antoine Griezmann អាចនឹងចាកចេញពីក្លឹបអេស្ប៉ាញនេះបាននៅពេលវេលាណាមួយនៅពេលអនាគត។
លោក Simeone បាននិយាយទៅសារព័ត៌មាន L'Equipeថា៖ "ខ្ញុំស្រលាញ់កីឡាករខ្ញុំណាស់ ហើយខ្ញុំក៏ចង់ឃើញពួកគេរីកចម្រើនលូតលាស់ទៅមុខដែរ"។ អ្នកចាត់ការសញ្ជាតិអាហ្សង់ទីននេះ បានបន្តទៀតថា៖ "បើសិនជាមានកីឡាករខ្ញុំមួយ មកប្រាប់ខ្ញុំថា គេចង់ចាកចេញពីក្លឹប Atletico ទៅលេងឲ្យក្លឹបមួយទៀត ក្នុងករណីកីឡាករនោះជា Griezmann ច្បាស់ណាស់ខ្ញុំនឹងមិនថាអីទេ ព្រោះខ្ញុំដឹងថាគេបានប្រឹងប្រែងណាស់ដើម្បីខ្ញុំកន្លងមក ហើយខ្ញុំក៏ច្បាស់ក្នុងចិត្តដែរថា គេចង់អភិវឌ្ឍខ្លួនបន្តទៅទៀត"។ លោក Simeone បានគូសបញ្ជាក់ទៀតថា៖ "ពិតណាស់ Griezmann នឹងអាចចាកចេញពីក្លឹប នៅពេលវេលាណាមួយនាពេលអនាគត ដូចក្នុងករណី Costa និង Turan អ៊ីចឹង"។
សូមបញ្ជាក់ផងដែរថា កន្លងមកថ្មីៗនេះ មានពាក្យចចាមអារាមជាច្រើន ដែលថា Griezmann អាចនឹងចូលរួមជាមួយ Barcelona ឬ Manchester United នៅរដូវកាលក្រោយ។
ខ្សែប្រយុទ្ធបារាំង Antoine Griezmann បានបង្ហាញទម្រង់លេងល្អរបស់ខ្លួនឡើងវិញហើយក្នុងប៉ុន្មានប្រកួតចុងក្រោយ បើទោះជាចាប់ផ្ដើមរដូវកាលថ្មីមិនសូវបានល្អក៏ដោយ។ គិតមកទល់ពេលនេះ Griezmann ស៊ុតបាន ៧គ្រាប់ហើយក្នុងការបង្ហាញខ្លួនឲ្យក្លឹបចំនួន ១៨លើក៕