James ថា នៅទាក់ទងជាមួយកីឡាករ Real Madrid ចំនួនបីនាក់
- 2017-12-15 12:58:03
- ចំនួនមតិ 0 | ចំនួនចែករំលែក 0
James ថា នៅទាក់ទងជាមួយកីឡាករ Real Madrid ចំនួនបីនាក់
ចន្លោះមិនឃើញ
បើទោះជាកំពុងលេងឲ្យ Bayern Munich ក៏ដោយ ខ្សែបម្រើ James Rodriguez កាលពីពេលថ្មីៗនេះ បាននិយាយថា ខ្លួននៅទាក់ទងជាមួយកីឡាករក្លឹប Real Madrid ក្នុងនោះមាន Sergio Ramos, Karim Benzema និងMarcelo។
James បាននិយាយប្រាប់សារព័ត៌មាន Caracol ថា៖ "ខ្ញុំជឿថា Real Madrid មានកីឡាករល្អច្រើនណាស់។ ក្រុមមួយនេះគឺជាក្រុមមួយដ៏ធំ ដែលអាចមានសមត្ថភាពគ្រប់គ្រាន់ដើម្បីផ្លាស់ប្ដូរគ្រប់យ៉ាង"។ ខ្សែបម្រើប្រយុទ្ធរូបនេះ បានបន្តទៀតថា៖ "បើទោះជាចាកចេញមកអាល្លឺម៉ង់មែន ប៉ុន្តែខ្ញុំមានមិត្តភក្ដិល្អច្រើនណាស់នៅក្លឹប Real Madrid ហើយខ្ញុំតែងតែមើលពួកគេលេងក្នុងការប្រកួត នៅពេលដែលខ្ញុំអាច។ រាល់ថ្ងៃខ្ញុំនៅទាក់ទងជាមួយ Ramos, Benzema និងMarcelo"។
កាលពីខែវិច្ឆិកា ខ្សែប្រយុទ្ធ Cristiano Ronaldo បាននិយាយថា ការចាកចេញរបស់ James, Morata និង Pepe ជាមូលហេតុមួយដែលធ្វើឲ្យ Real Madrid ចាប់ផ្ដើមរដូវកាលនេះមិនបានល្អ។
សូមបញ្ជាក់ផងដែរថា ខ្សែបម្រើ James Rodriguez បានចាកចេញពី Real Madrid ទៅចូលរួមជាមួយយក្សអាល្លឺម៉ង់ Bayern Munich ក្នុងនាមជាកីឡាករខ្ចីជើងចំនួនពីររដូវកាល កាលពីខែកក្កដា បន្ទាប់មិនសូវបានចូលលេង ក្រោមការដឹកនាំរបស់អ្នកចាត់ការ Zinedine Zidane៕