ពូទីន និង ត្រាំ ព្រមព្រៀងគ្នាដោះដូរព័ត៌មានពីកូរ៉េខាងជើង
- 2017-12-15 13:36:08
- ចំនួនមតិ 0 | ចំនួនចែករំលែក 0
ពូទីន និង ត្រាំ ព្រមព្រៀងគ្នាដោះដូរព័ត៌មានពីកូរ៉េខាងជើង
ចន្លោះមិនឃើញ
ក្នុងថ្ងៃសុក្រនេះ អ្នកនាំពាក្យរដ្ឋាភិបាលរុស្ស៊ី បាននិយាយថា មេដឹកនាំរុស្ស៊ី លោក វ្លាឌិមៀ ពូទីន និងលោកប្រធានាធិបតីសហរដ្ឋអាមេរិក ដូណាល់ ត្រាំ បានយល់ព្រមគ្នាតាមទូរស័ព្ទ ក្នុងការដោះដូរព័ត៌មានស្ដីពីកូរ៉េខាងជើង។
អ្នកនាំពាក្យរដ្ឋាភិបាលរុស្ស៊ី លោក Dmitry Peskov បានថ្លែងប្រាប់ក្នុងសន្និសីទសារព័ត៌មានដែលធ្វើឡើងនៅថ្ងៃនេះថា លោកពូទីន និងលោកត្រាំ បានជជែកគ្នាតាមទូរស័ព្ទស្ដីពីបញ្ហាកូរ៉េខាងជើង ហើយបានព្រមព្រៀងគ្នា ក្នុងការដោះដូរព័ត៌មានទាក់ទងនឹងប្រទេសអាស៊ីខាងកើតមួយនេះ។ មេដឹកនាំទាំងពីរ ក៏បានពិភាក្សាគ្នាពីការពង្រីកកិច្ចសន្ទនារវាងប្រទេសទាំងពីរផងដែរ។ នេះបើតាមការគូសបញ្ជាក់បន្ថែមពីលោក Peskov។
សូមបញ្ជាក់ផងដែរថា កូរ៉េខាងជើងបានធ្វើការសាកល្បងកាំជ្រួចអន្តរទ្វីបជាច្រើនលើកច្រើនសា នៅមួយរយៈចុងក្រោយ ដែលទង្វើនេះបានបង្កជាក្ដីព្រួយបារម្ភ និងភាពតានតឹង ទាំងក្នុងឧបទ្វីបកូរ៉េ ក៏ដូចជាតំបន់អាស៊ីប៉ាស៊ីហ្វិកទាំងមូលផងដែរ៕