Messi នៅឈឺចាប់ដំបៅចាស់ មិនអាចលើកពាន World Cup នៅប្រេស៊ីល

2017-12-16 03:46:21
ចំនួនមតិ 0 | ចំនួនចែករំលែក 0

ចន្លោះមិនឃើញ

Lionel Messi បង្ហើបថាខ្លួននៅតែមានអារម្មណ៍ឈឺចាប់ណាស់ នៅពេលរំលឹកដល់រឿងចាញ់អាល្លឺម៉ង់នៅវគ្គផ្ដាច់ព្រ័ត្រពានរង្វាន់ FIFA World Cup កាលពីឆ្នាំ២០១៤កន្លងទៅនាប្រទេសប្រេស៊ីល។

លោក Jorge Sampaoli គ្រូបង្វឹករបស់អាហ្សង់ទីនបាននិយាយថាបាល់ទាត់បានជំពាក់ពានរង្វាន់ World Cup ១ជាមួយកីឡាករ Lionel Messi។ ដូច្នេះនៅឆ្នាំ២០១៨ នាប្រទេសរុស្ស៊ី វាគួរតែជាពេលល្អណាស់សម្រាប់ការទូទាត់សងពាននេះវិញ។ ជាមួយគ្នានេះដែរ ខ្សែប្រយុទ្ធវ័យ៣០ឆ្នាំរបស់អាហ្សង់ទីនក៏គិតថាវាជារឿងសមរម្យដែរ ចំពោះការឈ្នះពាន World Cup នៅរុស្ស៊ីរបស់អាហ្សង់ទីន។

“ខ្ញុំសង្ឃឹមថាបាល់ទាត់នឹងសងខ្ញុំវិញ... ខ្ញុំឮនូវអ្វីដែលលោក Jorge បាននិយាយ ហើយពាក្យនោះក៏គាត់បាននិយាយប្រាប់ខ្ញុំដែរ។ World Cup បានផ្ដល់ឱ្យយើងនូវការចងចាំល្អៗ ប៉ុន្តែពេលខ្លះវាក៏ផ្ដល់នូវការចងចាំដែលឈឺចាប់បំផុតដែរ”។ សម្ដី Messi ។

បុរសស្មោះស្នេហ៍ខាងលើ ឈ្នះពានជាច្រើនជាមួយក្លឹប FC Barcelona ប៉ុន្តែនៅជម្រើសជាតិអាហ្សង់ទីនវិញ ហាក់ដូចជាស៊យខ្លាំងណាស់ ដោយបានឡើងដល់វគ្គផ្ដាច់ព្រ័ត្រពានរង្វាន់ធំៗច្រើនដែរ ប៉ុន្តេមិនទាន់បានសម្រេចជាលទ្ធផលមួយណានៅឡើយទេ៕

ប្រភព៖ Dailymail ប្រែសម្រួល៖ មុន្នីរម្យ