ចម្លាក់លើស្ពាន់ ស្នាដៃប្លែក តែខ្វះទីផ្សារ

2017-12-18 06:31:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ដោយមានជំនាញខាងគូរគំនូរក្បាច់ផ្កាភ្ញីផងនៅឆ្នាំ២០០៩ លោក ឈឹម វិបុល បានបែកគំនិតកែច្នៃស្នាដៃថ្មីក្នុងអាជីពរបស់ខ្លួនដោយប្រើគំនូរឆ្លាក់លើស្ពាន់វិញម្តង។ ទោះបីនេះជាអ្វីដែលលោកបានបង្កើតថ្មីក៏ពិតមែន តែថាមិនសូវមានទីផ្សារនោះទេ។

លោក ឈឹម វិបុល មានវ័យជាង៣០ឆ្នាំ និងមានស្រុកកំណើតនៅសង្កាត់ព្រែកឯង រាជធានីភ្នំពេញ។ លោកបញ្ជាក់ដែរថាលោកបានរៀនសូត្រក្បាច់ផ្កាភ្ញីនេះពីគ្រូម្នាក់ និងសិក្សានៅតាមសៀវភៅ តាមវត្ត និងសារមន្ទីរជាដើម។ លោកឲ្យដឹងថាចំណែកគំនិតច្នៃប្រឌិតចម្លាក់គំនូរលើស្ពាន់នេះកើតចេញពីការស្រមើស្រម៉ៃរបស់លោក និងការសាកល្បងរបស់លោផ្ទាល់។

លោកបន្ថែមថាៈ«ខ្ញុំបានសិក្សាជាមួយគ្រូ...ដកស្រង់តាមសៀវភៅ តាមវត្ត តាមសារមន្ទីរ ដកស្រង់បន្តិចៗយើងច្នៃចូលគ្នា...ការចាប់ផ្តើមដំបូងហ្នឹងគឺចង់ធ្វើអ្វីដែលប្លែកពីគេ ហើយខ្ញុំឃើញគេធ្វើប្លែកអស់ហើយ ចឹងមានតែអារក្បាច់លើស្ពាន់ហ្នឹងតែម្តងទៅបាទ»។

វិចិត្រកររូបនេះ បន្តពន្យល់ថា កាងារឆ្លាក់គំនូរ លើផ្ទាំងស្ពាន់ នេះទាមទារ ការផ្ចិតផ្ចង់ខ្ពស់និងលំបាកជាង គំនូរ ឬចម្លាក់ ទូទៅ។ ប៉ុន្តែលោកថាទោះជាស្នាដៃនេះ លំបាកក្នុងការផលិត ចម្លាក់គំនូរ ដែលធ្វើបាន ខ្សត់ទីផ្សារណាស់។ លោកថាចម្លាក់មានតម្លៃថ្លៃទៅតាមទឹកដៃ ដែលត្រូវប្រើពេលយូរ និងលំបាកក្នុងការរំលេចឡើង។

លោកបន្តថាៈ «ភាគច្រើនគេថាថ្លៃបង មានដល់៤០(ដុល្លារ) មានថ្លៃជាងហ្នឹងទៀតព្រោះស្នាដៃល្អិត...មែនទែនហ្មងពិបាកធ្វើ ដ៏អីចឹងតម្លៃខ្ញុំពិបាកដាក់ ដ៏ពេលយើងដាក់តម្លៃឲ្យសមនឹងស្នាដៃយើងទៅគេថាថ្លៃអត់មានអ្នកគាំទ្រ ដ៏ពេលដាក់រាងថោកវាអត់មានទឹកចិត្តធ្វើទៀត ដ៏អ៊ីចឹងមានអារម្មណ៍ថាពិបាក»។

បើតាមវិចិត្រកររូបនេះ ជាទូទៅ អតិថិជន ដែលជាវស្នាដៃលោក ភាគច្រើនជាជនបរទេស។ ប៉ុន្តែថាលោកលក់បានទាំងខ្សត់ខ្សោយបំផុត ឬស្ទើរមិនដាច់សោះក៏មាន។ ទោះយ៉ាងនេះក្តីលោកថានឹងមិនបោះបង់ការងារដែលលោកចូលចិត្តនេះឡើយ បើទោះជាលោកប្រឈមនឹងបញ្ហាទីផ្សារយ៉ាងនេះក្ដី៕

សូមទស្សនាវីដេអូ៖

អត្ថបទដោយ៖ ណាក្វាន់

ប្រភព៖ ៣០ដេលី

អត្ថបទពេញនិយម

ឧកញ៉ា គិត ស៊ូឡា ឡើងជានាយកគ្រប់គ្រងផ្នែកប្រតិបត្តិការ ក្រុមហ៊ុន រ៉ូយ៉ាល់គ្រុប អន្តរជាតិ

លក្ខខណ្ឌទាំងនេះ ត្រូវបានអតីតតារាសម្ដែង ម៉ៅ ចំណាន បំពេញគ្រប់ សម្រាប់បេក្ខភាពប្រធានសមាគម

ត្រៀមកន្លែងថតរូបថ្មី! អាជ្ញាធរខេត្តកំពត ចាប់ផ្តើមសាងសង់ប្រាសាទលោកយាយម៉ៅលើកំពូលភ្នំទ្វារ ឡានម៉ូតូក៏អាចបើកឡើងដល់ដែរ

ផ្លូវជាតិលេខ៤៨ ស្រែអំបិល-កោះកុង សម្រេចសាងសង់បានពាក់កណ្តាលហើយ និងគ្រោងបញ្ចប់ចាក់កៅស៊ូឆ្នាំក្រោយ

ងាយៗ! ពិនិត្យមើលសំបកកង់៣ចំណុចធំៗនេះដោយខ្លួនឯងបាន ចៀសវាងបែកកង់តាមផ្លូវ

ខេត្តដែលទទួលបានភ្ញៀវទេសចរច្រើនជាងគេ និងតិចជាងគេបង្អស់ក្នុងឱកាសចូលឆ្នាំខ្មែរ

អត្ថបទថ្មី

មកស្គាល់ប្រព័ន្ធសុវត្ថិភាពចំនួន ១០ ដែលបំពាក់លើរថយន្តបច្ចុប្បន្ន

Neuer បង្កើតកំណត់ត្រាថ្មីក្នុង Champions League

វគ្គ Semi Final របស់ Europa League ឆ្នាំនេះ សុទ្ធតែគីឡូធ្ងន់

ចាប់ផ្តើមដំណើរឆ្ពោះទៅរកភាពភ្លឺថ្លា POND'S Bright Miracle បង្ហាញពីភាពច្នៃប្រឌិតក្នុងការថែរក្សាស្បែក

តើក្រុមបាល់ទាត់ជម្រើសជាតិប្រទេសណាជាប់លេខ១ នៅទ្វីបអាស៊ី?

ត្រៀមខ្លួនហើយឬនៅ សម្រាប់ដំណើរទៅលេងបុណ្យភ្នំ-ឧទ្យានជាតិគិរីរម្យ នាដើមខែឧសភា ឆ្នាំ២០២៤ នេះ?