ចេញតម្លៃកៅស៊ូចុងឆ្នាំ ធ្លាក់ជិតពាក់កណ្ដាល បើធៀបដើមឆ្នាំ២០១៧
- 2017-12-18 06:58:27
- ចំនួនមតិ 0 | ចំនួនចែករំលែក 0
ចេញតម្លៃកៅស៊ូចុងឆ្នាំ ធ្លាក់ជិតពាក់កណ្ដាល បើធៀបដើមឆ្នាំ២០១៧
ចន្លោះមិនឃើញ
អគ្គនាយកដ្ឋានកៅស៊ូ បញ្ចេញតម្លៃទីផ្សារកៅស៊ូនៅកម្ពុជាកាលពីព្រឹកថ្ងៃទី ១៨ ខែធ្នូនេះ ដែលបង្ហាញថាតម្លៃកៅស៊ូឡើងខ្ពស់បំផុតបានត្រឹមជាង ៤ ពាន់រៀល ក្នុងមួយគីឡូក្រាមនៃប្រភេទកៅស៊ូជ័រស្ងួត ហើយតម្លៃនេះធ្លាក់ចុះស្ទើរពាក់កណ្ដាលបើធៀបនឹងដើមឆ្នាំ២០១៧។
លើសពីនេះ តម្លៃកៅស៊ូ កាលពីខែមករា ដើមឆ្នាំ ២០១៧ ក៏មានក្រុមហ៊ុនមួយចំនួនបានទិញពីប្រជាពលរដ្ឋក្នុង ១គីឡូក្រាម រហូតទៅដល់ ៧០០០រៀល ដែលនេះជាតម្លៃកើនឡើងយ៉ាងខ្លាំងបើធៀបនឹងឆ្នាំ ២០១៦។
តាមរបាយការណ៍របស់អគ្គនាយកដ្ឋានកៅស៊ូ ឲ្យដឹងថា កាលពីឆ្នាំ២០១៧ ខែមករា តម្លៃកៅស៊ូជ័រស្ងួតឡើងដល់ ៦ ១០០រៀល និងជ័រកក ៣ ១០០រៀល ខណៈតម្លៃនៅសប្ដាហ៍ទី២ ខែធ្នូនៅចុងឆ្នាំវិញ កៅស៊ូជ័រស្ងួត លក់បាន ៤ ០៣៥រៀល និងជ័រកកជាង ២ ០០០រៀល៕