Mourinho ថា ខែធ្នូ ជាខែកីឡាកររបួសនៅលីគអង់គ្លេស

2017-12-18 06:25:38
ចំនួនមតិ 0 | ចំនួនចែករំលែក 0

ចន្លោះមិនឃើញ

Manchester United ដណ្ដើមបាន៣ពិន្ទុពេញពីជ័យជម្នះលើ West Brom ២-១ នៅទឹកដី The Hawthorns។

Mourinho

យ៉ាងណាការប្រកួតកាលពីយប់មិញមិនបានធ្វើឲ្យលោក Jose Mourinho សប្បាយចិត្តទេដោយសារក្រុមរហស្សនាមថាបិសាចក្រហមបានបាត់បង់ Antonio Valencia ម្នាក់ទៀតដោយសាររបួសសរសៃពួរ។ អ្នកចាត់ការសញ្ជាតិព័រទុយហ្គាល់បានហៅខែធ្នូថា ជាខែនៃកីឡាកររបួស។

ខែធ្នូនៅលីគកំពូលអង់គ្លេសមានការប្រកួតជាប់គ្នាយ៉ាងមមាញឹកខុសពីលីគដទៃ ដែលវាបង្កការនឿយហត់ ពិសេសធ្វើឲ្យកីឡាករប្រឈមខ្ពស់នឹងរបួស។ កាន់តែគ្រោះថ្នាក់ថែមទៀតគឺ ក្រុមមានកៅអី Champions League វគ្គ១៦ក្រុមដូចជា Man Utd ផ្ទាល់នឹងរងផលប៉ះពាល់ខ្លាំង បើមានកីឡាកររបួសដោយសារពួកគេត្រូវប្រកួតនៅខែកុម្ភៈ។

ក្នុងកិច្ចសម្ភាសន៍ បុរសវ័យ៥៤ឆ្នាំនិយាយថា៖ "នេះជាមូលហេតុដែលខ្ញុំហៅខែធ្នូថា ជាខែនៃបញ្ហារបួស។ កីឡាករភាគច្រើនមានរបួសនៅខែនេះ មិនថារបួសសាច់ដុំ, សរសៃពួរ របួសតិច, ឬច្រើន។ ក្រុមទាំងអស់នឹងមានបញ្ហាពិសេសក្រុមដែលលេងពានទ្វីបអឺរ៉ុប"៕