មុខងារ Facebook ថ្មី លែងភ័យរឿងគេ Fake Account របស់អ្នកហើយ
- 2017-12-20 04:06:25
- ចំនួនមតិ 0 | ចំនួនចែករំលែក 0
មុខងារ Facebook ថ្មី លែងភ័យរឿងគេ Fake Account របស់អ្នកហើយ
ចន្លោះមិនឃើញ
កាលពីម្សិលមិញ Facebook បានបញ្ចេញនូវមុខងារថ្មី ដែលអាចឲ្យម្ចាស់រូបភាពដឹង នៅពេលដែលរូបភាពរបស់ខ្លួនត្រូវបានគណនីដទៃយកទៅប្រើប្រាស់។
ចាប់ពីពេលនេះតទៅ ប្រសិនបើអ្នកស្ថិតក្នុងរូបភាពណាមួយ Facebook នឹងផ្ដល់ដំណឹងដល់អ្នក ទោះបីជាអ្នកមិនបាន Tag ចូលក្នុងរូបភាពនោះក្ដី។ អ្នកអាចគ្រប់គ្រងរូបភាពរបស់ខ្លួនលើ Facebook និងមានជម្រើសដូចជា Tag ខ្លួនឯងចូលក្នុងរូបភាព ឬ មិន Tag និងអាចទាក់ទងដល់គណនីដែលបានបង្ហោះរូបភាពរបស់អ្នក ប្រសិនបើអ្នកបារម្ភពីរូបភាពរបស់ខ្លួន។
មុខងារថ្មីនេះដំណើរការដោយបច្ចេកវិទ្យាចំណាំផ្ទៃមុខ ដែល Facebook បានប្រើជាមួយនឹងមុខងារ Tag តាំងពីឆ្នាំ ២០១០ មកម្ល៉េះ ហើយអ្នកប្រើប្រាស់អាចកំណត់ឲ្យមុខងារនេះ ដំណើរការ ឬ មិនដំណើរការបានតាមចិត្ត។
គោលបំណងនៃការបញ្ចេញមុខងារថ្មីនេះគឺដើម្បីទប់ស្កាត់មិនឲ្យជនខិលខូចយករូបភាពរបស់អ្នកដទៃទៅដាក់លើ Profile របស់ខ្លួន ដែលអាចធ្វើឲ្យប៉ះពាល់ដល់ម្ចាស់រូបភាពដោយមិនដឹងខ្លួន។ មុខងារថ្មីនេះបញ្ចេញឲ្យប្រើប្រាស់ក្នុងប្រទេសជាច្រើន លើកលែងតែប្រទេសកាណាដា និងសហភាពអឺរ៉ុប ដែលបច្ចុប្បន្នមិនទាន់មានដំណើរការបច្ចេកវិទ្យាចំណាំផ្ទៃមុខ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
