វត្ត​វិហារ​តែង​តែ​រៀប​ចំ​ការ​ប្រកួត​កីឡា​បែប​ប្រពៃណី​ខ្មែរ​​ជា​រៀង​រាល់​ឆ្នាំ​ក្នុង​ឱកាស​បុណ្យ​ចូល​ឆ្នាំ​ថ្មី​ ប្រពៃណី​ជាតិ​ និង​បុណ្យ​ភ្ជុំ​បិណ្ឌ​ជា​ដើម។ ការ​ប្រកួត​កីឡា​ប្រពៃណី​នេះ​មិន​ត្រឹម​តែ​​បាន​ក្លាយ​ជា​ទស្សនីយភាព​សម្រាប់​កម្សាន្ត​ដល់​មហាជន​​ប៉ុណ្ណោះ​ទេ​ ​ប៉ុន្តែ​​ក៏​ជា​សកម្មភាព​ដ៏​​ល្អ​កម្រ​មាន​ក្នុង​ការ​​ជួយ​ថែរក្សា​សិល្បៈ​វប្បធម៌​ឲ្យ​គង់​វង្ស​សម្រាប់​ក្មេង​ជំនាន់​ក្រោយ។

កីឡា​ដើរ​តួនាទី​យ៉ាង​សំខាន់​សម្រាប់​បង្ក​ភាព​សប្បាយ​រីករាយ​ និង​ទាក់ទាញ​អ្នក​ទស្សនា​ក្នុង​កម្មវិធី​នីមួយ​ៗ។ ចុះ​​ក្នុង​ឱកាស​បុណ្យ​ចូល​ឆ្នាំ​ថ្មី​ប្រពៃណី​ជាតិ​អង្គរ​សង្ក្រាន្ត​នៅ​​ទី​រួម​ខេត្ត​សៀមរាប​ឆ្នាំ​នេះ​មាន​កីឡា​អ្វី​ខ្លះ​ដើម្បី​ទទួល​ស្វាគមន៍​ភ្ញៀវ​ជាតិ​ និង ​អន្តរជាតិ​រយៈ​ពេល​ ៣ ​ថ្ងៃ​នេះ?

ការ​ប្រកួត​កីឡា​៤​ប្រភេទ​ក្នុង​ថ្ងៃ​តែ​មួយ​​ក្នុង​នោះ​មាន​កីឡា​ប្រណាំង​ក្របី​ ប្រណាំង​សេះ​ គុន​ដំបង​ និង​កីឡា​ចំបាប់​ខ្មែរ​បុរាណ​​នឹង​កក្រើក​​ក្នុង​ឱកាស​ពិធី​បុណ្យ​ភ្ជុំបិណ្ឌ​នា​ថ្ងៃ​ភ្ជុំ​បិណ្្ឌ​ថ្ងៃ​ទី​២៣​ ខែ​កញ្ញា​ ឆ្នាំ​២០១៤​ ខាង​មុខ​នេះ​ នៅ​វត្ត​វិហារសួគ៌​ ស្ថិត​ក្នុង​ភូមិ​វិហារ​ជើង​ ឃុំ​វិហារសួគ៌​ ស្រុក​ខ្សាច់​កណ្ដាល​ ខេត្ត​កណ្ដាល។