តារាកូរ៉េបង្ហាញក្បាច់គុនជាមួយតារាហុងកុង Trackback
អ្នកនាំពាក្យអោយអតីតតារាហុងកុងដូន្នីយេនដែលទស្សនិកជននៅកម្ពុជានិយមហៅថាកុំកុំនោះកាលពីថ្ងៃសុក្រកន្លងទៅនេះបានអោយដឹងថា តារាចំរៀងកូរ៉េចាងវូហ្យុកត្រូវបានផ្តល់កិតិ្តយសក្នុងការបង្ហាញនូវរូបភាពក្បាច់គុនដ៏គួរអោយទាក់ទាញជាមួយដេន្នីយេនហៅកុំកុំ។
តារាចំរៀងកូរ៉េចាងវូហ្យុកជាមួយដេន្នីយេន
ទំនាក់ទំនងរវាងតារាទាំងពីររូបកើតមានចាប់តាំងពីមានកម្មវិធីមួយឈ្មោះថាពានរង្វាន់តន្រ្តីរបស់ប្រទេសចិនហើយនិងពានរង្វាន់ដែលមានស័ក្តានុពលប្រចាំតំបន់អាស៊ី(CMA)ដែលបានប្រព្រឹត្តទៅនៅក្នុងប្រទេសចិនកាលពីថ្ងៃទី២៨ខែមិនាកន្លងទៅនេះជាកន្លែងដែលតារាកូរ៉េចាងវូហ្យុកត្រូវបានគេអញ្ជើញអោយចូលទស្សនាភាពយន្តរបស់ដេន្នីយេនចំណងជើងថា“IpMan2”ដោយនៅទីនោះអ្នកគាំទ្រទាំងឡាយក៏បានទទូចអោយតារាចំរៀងកូរ៉េនេះសំដែងនូវខ្សែភាពយន្តបែបវាយតបជាលើកទី៣បន្តទៀត។
អ្នកនាំពាក្យរបស់ចាងវូហ្យុកបានបង្ហើបអោយដឹងថាទាក់ទងនិងសំណូមពរខាងលើនៅពុំទាន់មានការរៀបចំអ្វីជាធំដុំសំរាប់តារាចំរៀងរូបនេះនៅឡើយទេក្រៅតែពីគំរោងប្រគុំតន្រ្តីដោយសូឡូ (Solo) នៅក្នុងប្រទេសចិន១នាថ្ងៃទី ០៨ ខែឧសភាខាងមុខនេះ។ ដេន្នីយេនហោះកុំកុំគឺជាតារាសមែ្តងផ្នែកក្បាច់គុនជើងចាស់ជាប្រធានព្រមទាំងជាអ្នកដឹកនាំរឿងដ៏ល្បីល្បាញនាទីក្រុងហុងកុង។លោកជាតារាដែលបានទទួលនូវពានរង្វាន់ច្រើនបំផុតប្រចាំនៅអាស៊ី។ហើយលោកសំរេចបាននូវសមិទ្ធផលមួយចំនួនដូចជា រឿង“Hero” រឿង “Blade II”និងរឿង “Once Upon A Time In China II” ។
ឯតារាកូរ៉េចាងវូហ្យុកមានអាយុ៣២ឆ្នាំបានសាងកេរ្តិ៍ឈ្មោះនៅឆ្នាំ១៩៩៦ដែលជាសមាជិកនៃក្រុមH.O.Tប៉ុនែ្តនៅឆ្នាំ២០០៥បានលាឈប់ពីក្រុមដោយចាប់ផ្តើមខ្សែជីវិតថ្មីជាមួយនឹងសូឡូ។តារានេះបានទៅទស្សនាប្រទេសចិនតាមរយៈសកម្មភាពតន្រ្តីប្រមាណជាពី៤ទៅ៥ដងដែរ ក្រោយពីបានចូលបំរើកងទ័ពអោយប្រទេសកូរ៉េបានចំនួន២ឆ្នាំ។
កាលពីសប្តាហ៏មុនតារាកូរ៉េនេះត្រូវបានទទួលស្គាល់និងដាក់រហ័សនាមថាជាអ្នកសំដែងដែលមានអានុភាពនៅក្នុងកម្មវិធីពានរង្វាន់តន្រ្តីរបស់ប្រទេសចិន។
បកប្រែៈជីពចិត្ត
កែសំរួលៈម៉ីសនសុធារី
