Samsung និង McAfee ប្រកាសប្រាក់ចំណេញ Trackback
ក្រុមហ៊ុនរបស់ កូរ៉េខាងត្បូងឈ្មោះSamsung បានប្រកាសពីប្រាក់ ចំណេញរបស់ខ្លួននៅត្រីមាសទីពីរឆ្នាំ២០១០ ថាប្រាក់ចំណេញសុទ្ធ (ចំណេញគិតពន្ធរួច) បានកើនឡើង៨៣ ភាគរយ ខណៈដែលក្រុមហ៊ុន McAfee បានប្រកាសថា ប្រាក់បានកើនឡើង៣៨ភាគរយដែរ។
McAfee Inc. ជាក្រុមហ៊ុន software កម្ចាត់មេរោគ កុំព្យូទ័រ ហើយសម្រាប់តែពីរខែប៉ុណ្ណោះគឺខែមេសានិងឧសភា McAfee រកប្រាក់ចំណេញ សុទ្ធបាន៣៩.៤លានដុល្លារ ធៀបនឹងពេលដដែលឆ្នាំមុនគឺមានត្រឹមតែ ២៨.៧លានដុល្លារ ប៉ុណ្ណោះ។ ចំណែកប្រាក់ចំណូលវិញ មានចំនួន $489.2 លានដុល្លារ ធៀបនឹង $468.7 លាននៅឆ្នាំមុនពេលដដែល។
ក្រុមហ៊ុន Samsung នៅត្រីមាសទីពីរ ឆ្នាំនេះប្រាក់ចំណេញសុទ្ធបានកើនឡើង៨៣ %។ វាជាក្រុមហ៊ុនធ្វើ Chip មេម៉ូរីកុំព្យូទ័រ ដ៏ធំមួយរបស់ពិភពលោក និង ឧបករណ៍អេឡិចត្រូនិកជាច្រើនប្រភេទទៀត។ ប្រាក់ចំណេញនៅត្រឹមត្រីមាសទីពីរ គិតត្រឹមថ្ងៃទី៣០ខែមិថុនានេះ មានចំនួន៣.៦ពាន់លានដុល្លារ ធៀប២.៣៣ពាន់លានដុល្លារនៅពេលដដែលឆ្នាំ មុន៕
បកប្រែ៖ ចេង វណ្ណា
