ថ្មី​ៗ​នេះ​ក្រុមហ៊ុនCanon បាន​ប្រកាស​ម៉ាស៊ីន​ថតរូប​ស៊េរី​ថ្មី Canon EOS 5D Mark III ជា​ផ្លូវ​ការ​ហើយ​បន្ទាប់​ពី​មាន​លេច​ឮ​ពាក្យ​ចចាមអារ៉ាម​កាល​ពី​ខែ​មុន​ថា​ក្រុមហ៊ុន​មួយ​នេះ​គ្រោង​ប្រកាស​ម៉ាស៊ីនថតរូប​ស៊េរី​ចុង​ក្រោយ DSLR។ នេះ​ដោយ​យោង​ទៅ​តាម​គេហទំព័រ geeky-gadgets ដែល​បាន​ចុះ​ផ្សាយ​កាល​ពី​ព្រឹក​មិញ​។

Canon 5D Mark III ស៊េរី​ថ្មី​នេះ​នឹង​ភ្ជាប់​មក​ជាមួយ​អេក្រង់ LCDទំហំ ៣,២អ៊ីញ, កាមេរ៉ា​ទំហំ 22.3-megapixel full-frame Canon CMOS sensor, Imaging Processor ប្រភេទDIGIC 5+, ប្រើ​ប្រព័ន្ធauto-focus 61 point, ISO ចាប់​ពី ១០០ ទៅ ២៥,៦០០ តែ​អាច​ពង្រីក​ដល់ ១០២,៤០០, អាច​ថត​វីដេអូ​កម្រិត full high definition 1080p ក្នុង​ល្បឿន ៦ frame ក្នុង​មួយ​វិនាទី និង​មាន​មុខងារ​ពីរ​បន្ថែម​ទៀត​ដូច​ជា H.264 compression engine និងtimecode-embedding ។

កាមេរ៉ា​ស៊េរី​ថ្មី​នេះ​នឹង​មាន​ដាក់​លក់​ខែ​ក្រោយ​នេះ​ក្នុង​តម្លៃ ៣,៥០០ដុល្លារ​សម្រាប់​ម៉ាស៊ីនថតរូប​តែ​មួយ​មុខ​(body)និង​តម្លៃ ៤,៣០០ដុល្លារ​មាន​ភ្ជាប់​ជាមួយ lens 24-105mm f/4 ៕

ប្រែ​សម្រួល៖ សុភ័ក្ត