តិន្នីសអាមេរិកធ្លាក់ចុះហើយ Trackback
ខណៈដែលកីឡាតិន្នីសកាន់តែមានប្រជាប្រិយភាព សហរដ្ឋអាមេរិកនៅតែនាំមុខផ្នែកនារីលើវិស័យកីឡានេះគឺបងប្អូនស្រី Williams ប៉ុន្តែសំនួរមួយដែលត្រូវបានគេលើកឡើងនោះគឺតើកីឡាករតិន្នីសផ្នែកបុរសរបស់អាមេរិកទៅណាអស់ហើយទើបពួកគេគ្មានឈ្មោះនៅក្នុងតារាងកីឡាករតិន្នីសកំពូលទាំង១០របស់ពិភពលោក?
លំដាប់កីឡាករកំពូលផ្នែកវាយតិន្នីស ATP ដែលបានចេញកាលពីម្សិលមិញនេះមិនមានកីឡាកររបស់អាមេរិកទេ គឺពិតជាខុសឆ្ងាយបើប្រៀបធៀបទៅនឹងការចេញជាលើកដំបូងនៅឆ្នាំ១៩៧៣។
បច្ចុប្បន្នកីឡាករ Andy Roddick គឺជាកីឡាករសញ្ជាតិអាមេរិកដែលឈរនៅលំដាប់ខ្ពស់បំផុតគឺនៅចំណាត់ថ្នាក់លេខ១១របស់ពិភពលោក។
អតីតម្ចាស់ជើងឯក US Open បានចាញ់កីឡាកររបស់បារាំងគួរអោយភ្ញាក់ផ្អើលនៅក្នុងកម្មវិធី Washington Classic កាលពីសប្ដាហ៍កន្លងទៅគឺមានន័យថា កីឡាករវាយតិន្នីសរបស់អាមេរិកមិនមាននៅក្នុងចំណោមកីឡាករកំពូលទាំង១០របស់ពិភពលោកទេ ដែលនេះជាលើកទីមួយក្នុងប្រវត្តិសាស្ត្រការចាត់ចំណាត់ថ្នាក់កីឡាករវាយតិន្នីសក្នុងរយៈពេល៣៧ឆ្នាំមកនេះ។
អ្វីដែលកាន់តែមិនអាចប្រកែកបានគឺនៅក្នុងចំណោមកីឡាករកំពូលទាំង១០០នាក់ មានកីឡាករអាមេរិកត្រឹមតែ៦នាក់ប៉ុណ្ណោះ៕
បកប្រែៈ ស្រ៊ុន ម៉េងគាង
