ថ្មីៗ​នេះ​សារព័ត៌មាន Reuters បាន​ឲ្យ​ដឹង​ថា​ទូរស័ព្ទ iPhone ជំនាន់​ក្រោយ​របស់​ក្រុមហ៊ុន Apple នឹង​មាន​​រូបរាងស្ដើង​ព្រមជាមួយ​អេក្រង់ទំហំ​ធំ ៤.៦អ៊ីញ ប្រភេទ retina display ហើយ​គ្រោង​ចេញ​នៅ​ត្រីមាស​ទី២។ នេះ​ដោយ​យោង​តាម​បណ្ដាញ​សារព័ត៌មាន​របស់​កូរ៉េ​ខាងត្បូង​ដែល​បាន​ចេញ​ផ្សាយ​កាល​ពី​ថ្ងៃ​ព្រហស្បតិ៍។

សារព័ត៌មាន Maeil Business Newspaper បាន​ឲ្យ​ដឹង​ថា​ក្រុមហ៊ុន Apple បាន​សម្រេច​ចិត្ត​ផលិត iPhone ជំនាន់​ក្រោយ​ជាមួយ​នឹង​​អេក្រង់​ទំហំ ៤.៦អ៊ីញ​ព្រម​ទាំង​បាន​ចាប់​ផ្ដើម​កុម្ម៉ង់​ទិញ​អេក្រង់​ទាំង​នោះ​ពី​ក្រុមហ៊ុន​ផ្គត់ផ្គង់​របស់​ខ្លួន​ហើយ។ ទាក់​ទិន​នឹង​ព័ត៌មាន​ខាង​លើ​នេះ​ក្រុមហ៊ុន​​ផ្គត់ផ្គង់​ដ៏​ធំ​ទាំង​ពីររបស់ Apple ​ដែល​មាន​ដូច​ជា LG Display និង Samsung Electronics Co បាន​ធ្វើ​ការ​បដិសេធ​​មិន​បញ្ចេញ​មតិ។

អីចឹង​បើ​សិន​ជា​ព័ត៌មាន​ខាង​លើ​នេះ​ត្រឹម​ត្រូវ​មែន​នោះ iPhone ជំនាន់​ក្រោយ (iPhone 5) នឹង​ក្លាយ​ជា device ជំនាន់​ទី​៤​ដែល​បាន​បំពាក់​មក​ជាមួយ​អេក្រង់​ប្រភេទ Retina បន្ទាប់​ពី The new iPad, iPhone 4S និង iPhone 4

ចុះ​ប្រិយមិត្ត​វិញ​យល់​យ៉ាង​ណា​ដែរ? ចង់​ឲ្យ iPhone រក្សា​ទំហំ​ដដែល ឬ​​ធំ​ជាង​មុន?

ប្រែ​សម្រួល៖ សេង សុភ័ក្ត
ប្រភព៖
Reuters
រូបភាព៖ adr-studio