មក​ដល់​ហើយ! ឱកាស​​ពិសេស​​សម្រាប់​អ្នក! ​​លោក​អ្នកអាច​​ឈ្នះ​រង្វាន់​ជា​ទឹក​ប្រាក់​សុទ្ធ​​រហូត​ដល់ ៣.០០០ ដុល្លារ​ ដោយ​​​គ្រាន់​តែ​​ចូល​រួម​ផលិត​​ខ្សែ​វីដេអូ​ឃ្លិប ​​មក​ចូល​រួម​ប្រកួត​ក្នុង​កម្មវិធី​​​ MiniMovie 2012 ​តែ​ប៉ុណ្ណោះ! តើ​​​ការ​ប្រកួត​​នេះ​មាន​លក្ខខណ្ឌ​អ្វី​ខ្លះ​ទៅ?

ប្រធានបទ​​ដែល​អាច​ចូល​រួម​​ប្រកួត​​បាន​​នៅ​ឆ្នាំ​នេះ
“ការ​គោរព​គ្នា​លើ​ដង​ផ្លូវ”

កម្មវិធី​ប្រកួត​ប្រជែង​ MiniMovie 2012  ជា​ការ​ប្រកួត​ប្រជែង​លើ​ការ​ផលិត​ខ្សែ​វីដេអូ​ឃ្លិប ​បង្ហាញ​ពី​សុវត្ថិភាព​លើ​ដង​ផ្លូវ។ ឃ្លិប​នេះ​ អាច​​មាន​លក្ខណៈ​កំប្លែង សប្បាយ ពិបាក​ចិត្ត សោកនាដកម្ម រឿង​ពិត ឯកសារ​ភាព​យន្ត ឬ​ក៏​រឿង​ល្ខោន។ វីដេអូ​ឃ្លិប ​ត្រូវ​តែ​ជា​របស់​លោក​អ្នក​ផ្ទាល់ និពន្ធ និង​ផលិត​ដោយ​លោក​អ្នក ឬ​មិត្ត​ភក្តិ​របស់​លោក​អ្នក។

កាល​បរិច្ឆេទ​ឈប់​ទទួល ​វីដេអូ​ឃ្លិប នៅ​ថ្ងៃ​ទី ៣១ ខែ​ឧសភា ឆ្នាំ ២០១២។ ដូច្នេះ សូម​ប្រញាប់​ឡើង កុំ​ឲ្យ​ឱកាស​​ដ៏​ល្អ​នេះ​កន្លង​​ផុត​ទៅ​ឲ្យ​សោះ!

សូម​ អ៊ីមែល​ ដោយ​​ភ្ជាប់​មក​ជា​មួយ​ ​វីដេអូ​ឃ្លិប​នេះ ឬ Link មក​កាន់​យើង​ខ្ញុំ ដើម្បី​អាច​ឲ្យ​​ក្រុម​ការ​ងារ​​​អាច​ទាញ​យក​បាន ហើយ​​​នឹង​យក​​ផ្សាយ​នៅ​លើ​ទូរទស្សន៍​អ៊ីនធឺណិត​របស់​ Sabay (Sabay TV) ចំ​ពោះ​ ឃ្លិប​ណា​​ដែល​ផលិត​ឡើង​​ល្អ​បំផុត។ សាធារណជន​នឹង​ធ្វើ​ការ​ជ្រើស​រើស​ដោយ​ផ្ទាល់ ​តាម​រយៈ​ចំនួន​អ្នក​ “Like” ពី​អ្នក​គាំ​ទ្រ។ ឃ្លិប​មួយ​ណា​ទទួល​បាន Like ច្រើន​ជាង​គេ នឹង​ត្រូវ​ចាត់​ទុក​ថា ជា​អ្នក​ឈ្នះ​ក្នុង​ការ​ប្រកួត​នេះ។

ការ​បោះ​ឆ្នោត​ជា​សាធារណៈ​នេះ​នឹង​ធ្វើ​ឡើង​តែ​ ១ ខែ​ប៉ុណ្ណោះ។ ក្រុម​ការ​ងារ​ ​នឹង​ប្រកាស​ពី​បេក្ខភាព​អ្នក​ឈ្នះ​ការ​ប្រកួត​នេះ នា​ថ្ងៃ​ទី ៣០ ខែ​មិថុនា ឆ្នាំ ២០១២។ រង្វាន់​ជា​ទឹក​ប្រាក់​សម្រាប់​ចំណាត់​លេខ​១ គឺ ៣០០០ ដុល្លារ!!!
ព័ត៌មាន​បន្ថែម សូម​ទាក់​ទង​មក​កាន់ sabaytv@cidc.com.kh ឬ​ទូរស័ព្ទ​មក​កាន់ Daly តាម​រយៈ​លេខ 012 282 282

ខាង​ក្រោម​នេះ​គឺ​ជា​ នីតិវិធី​​នៃ​ការ​ចួល​រួម​ប្រកួត​ប្រជែង៖

សេចក្ដី​ណែនាំ៖

អ្នក​ចូលរួម​ម្នាក់ៗ​ គួរ​​ផលិត​ជា​វីដេអូ​ ​យ៉ាង​ហោច​ណាស់​​ទាក់​ទង​ទៅ​នឹង​ប្រធានបទ​បី ​ក្នុង​ចំណោម​ប្រធានបទ​ខាងក្រោម៖

ការ​គោរព​ជីវិត​មនុស្ស
ការ​គោរព​ច្បាប់
ការ​គោរព​អ្នក​ថ្មើរជើង
ការ​គោរព​អ្នក​ជិះកង់ ​ឬ​រុញ​រទេះ
ការ​គោរព​អ្នក​បើកបរ​ដូចគ្នា
ការ​គោរព​​សុវត្ថិភាព​កូនៗ​របស់​លោក ​អ្នក​ដោយ​ឲ្យ​ពួកគេ​ពាក់​មួក​សុវត្ថិភាព

នីតិវិធី៖
ឃ្លិប​ទាំង​មូល​មិន​អាច​មាន​រយៈពេល​ច្រើន​ជាង​ ២​នាទី ​និង​ ១០​វិនាទី​ឡើយ។ ១២០ ​វិនាទី​គឺ​សម្រាប់​សាច់​រឿង និង​ ១០​វិនាទី​ទៀត​គឺ​សម្រាប់​ការ​បង្ហាញ​ក្រេឌីដ/ចំណងជើង ​មុន​​ និង​ក្រោយ​ការ​ចាក់​បញ្ចាំង​សាច់​រឿង។​ ចំពោះ​រឿង​ណា​​ដែល​មាន​រយៈពេល​លើស​ពី ១៣០ ​វិនាទី​ នឹង​ត្រូវ​ចាត់​ទុក​ថា​ គ្មាន​សុពលភាព។

ឃ្លិប​​ដែល​មាន​រយៈពេល​តិច​ជាង​ ១៣០​ វិនាទី​​ត្រូវ​បាន​​អនុញ្ញាត​។
គ្រប់​គុណភាព​នៃ​ឧបករណ៍​ថត​ទាំង​អស់​នឹង​ត្រូវ​ទទួល​យក ​និង​ចាត់​​ទុក​ថា​មាន​តម្លៃ​ស្មើគ្នា (​មិនថា ​កាមេរ៉ា ​​ទូរស័ព្ទ ​Tablet ​​​ម៉ាស៊ីន​ថត​ប្រភេទ Camcorder ។ល។)។

រឿង​ខ្លី​ ​និង​ឯកសារ​​នានា​នឹង​ត្រូវ​ទទួល​យក ​មិន​ថា​ពិត​ ឬ​ប្រឌិត​នោះ​ទេ។

ឃ្លិប​អាច​ជា​​សកម្មភាព​ផ្ទាល់ ​​រូបភាព​គ្មាន​ចលនា ​Slide ​ឬ​ Animation។ លោក​អ្នក​អាច​ថត ឬ​ផលិត​ឃ្លិប ដោយ​ប្រើ style បាន​គ្រប់​បែប​យ៉ាង។ ប្រើ​ប្រាស់​ការ​ច្នៃ​ប្រឌិត និង​ការ​ស្រមើ​ស្រមៃ​របស់​លោក​អ្នក។

ឃ្លិប​ទាំង​នោះ​ត្រូវ​តែ​​ជា​ឃ្លិប​​ដើម​របស់​បេក្ខជន ​​និង​ផលិត​ដោយ​បេក្ខជន​ផ្ទាល់​ និង​រក្សា​សិទ្ធិ​ ១០០%​ លើ​សម្ភារៈ​រូបភាព​មាន​សំឡេង​នោះ។​ ក្រុមហ៊ុន​ Sabay​ និង​ដៃគូ​សហការ​នឹង​មិន​ទទួល​ខុសត្រូវ​ឡើយ​ ប្រសិន​បើ​មាន​ការ​រំលោភ​លើ​​អាជ្ញាប័ណ្ណ ​ឬ​ការ​រក្សាសិទ្ធិ​​​ណាមួយ​ចំពោះ​រឿង​ដែល​ដាក់​មក​​ប្រកួត។

លោក​អ្នក​រក្សា​សិទ្ធិ​ឃ្លិប​របស់​លោក​អ្នក ប៉ុន្តែ​ត្រូវ​ផ្ដល់​សិទ្ធិ​ប្រើ​ប្រាស់​ពេញ​លេញ និង​គ្មាន​កំណត់ និង​មិន​គិត​ថ្លៃ ដល់​ក្រុមហ៊ុន Sabay ឬ​ដៃគូ​សហការ គ្រប់​ទម្រង់​ទាំង​អស់​ជា​រៀង​រហូត។ សិទ្ធិ​ប្រើ​ប្រាស់​ទាំង​នេះ នឹង​ត្រូវ​ក្លាយ​ជា​សិទ្ធិ​ផ្ដាច់​មុខ ល្គឹកណា​ មាន​ការ​អនុញ្ញាត​ជា​លាយ​លក្ខណ៍​អក្សរ​ពី​ក្រុមហ៊ុន Sabay ឬ​ដៃ​គូ​សហការ។

ឃ្លិប​ដែល​បង្កើត​​ឡើង​ម្នាក់​ឯង ​ឬ​លក្ខណៈ​ជា​ក្រុម​នឹង​ត្រូវ​ទទួល​យក​ដូច​គ្នា។

ចំពោះ​ឃ្លិប​​ណា​ដែល​​ផលិត​ ឬ​ចូលរួម​ផលិត​​​ដោយ​ក្រុមហ៊ុន ​ឬ​​បុគ្គល​ណា​ដែល​ធ្វើ​ការ​ក្រៅ​ម៉ោង​ ឬ​ពេញ​ម៉ោង​ ​ក្នុង​ក្រុមហ៊ុន​រដ្ឋ​ ឬ​ឯកជន​​ដែល​មាន​ជំនាញ​ខាង​នោះ ​តាម​គ្រប់​រូបភាព​នឹង​ត្រូវ​ចាត់​ទុក​ថា​​​គ្មាន​សុពលភាព។

ចំពោះ​តម្លៃ​ផលិត​ និង​ការ​ចំណាយ​ផ្សេងៗ​មិន​ត្រូវ​ឲ្យ​លើស​ពី ៥០ ដុល្លារ​អាមេរិក​នោះ​ទេ។ ​ក្រុមហ៊ុន​ Sabay និង​ដៃគូ​សហការ​​រក្សា​សិទ្ធិ​ក្នុង​ការ​​ដក​ចេញ​ឃ្លិប​ណា​ដែល​វាយតម្លៃ​ដោយ​​សន្មត​គ្មាន​អំណះអំណាង​ត្រឹមត្រូវ។

បេក្ខជន​ម្នាក់​អាច​​ដាក់​រឿង​​ចូល​រួម​ប្រកួត​ត្រឹម​ ៣​​ រឿង​ប៉ុណ្ណោះ។

ការ​ឈប់​ទទួល​យក​ឃ្លិប​ប្រកួត គិត​ត្រឹម​​ថ្ងៃ​ទី ៣១ ​ខែ​ឧសភា។

ក្រុមហ៊ុន Sabay និង​ដៃ​គូ​សហការ នឹង​ធ្វើ​ការ​សម្រេច​នៅ​ចុង​ក្រោយ៕

Sabay is proud to host

MiniMovie 2012

A chance for you to have your film shown to the whole of Cambodia and you can win the first prize of $3000!!!

The subject this year ‘s competition will be:

RESPECT ON THE ROADS.

Here is how to enter and all the rules:

Make a film about road safety. It can be funny, sad, tragic, a true story, adocumentary or a drama: anything you want it to be! But it has to be YOURS. Written and produced by you or you and your friends.

You have till 31st May to get your film to us. SO HURRY!

Email it to us or send us a link so we can download it and we will post the best ones on Sabay TV, where the general pubic will get to choose the winner, as the one with the most ‘likes’ wins.!

PUBLIC VOTES WILL BE COUNTED FOR 1 MONTH ONLY

Then we announce the winner on 30st June

First prize is $3000!!!!

Any questions or queries contact sabaytv@cidc.com.kh or call Daly on 012 282 282

MAKE SURE YOU READ ALL THE RULES AND GUIDELINES BELOW:

Guidelines:

Each entry should cover at least 3 of the following topics

respect for human life
respect for the rules
respect for pedestrians,
respect for people on bicycles and with carts
respect for other drivers
respect for the safety of your kids by having them wear a helmet

Rules:

Total film may be no longer than 2 minutes & 10 seconds.  Comprising of a maximum of 120 seconds of movie and 10 seconds of credits / titles before or after the feature. All entries longer than 130 secs will be disqualified.

There is no restriction to the minimum running time of submissions

Recording devices of all quality will be accepted and judged on equal merit (camera, phone, tablet, camcorder etc).

Drama, vignette, documentary or any other format accepted. Reality or fiction.

Can be live action, stills, slide or animation. There is no restriction on how you film or in what style. Use your imagination.

All content must be produced solely by entrants whereby entrants own 100% copyright of audiovisual material. Sabay and other company names the brand Sabay trades under or it’s partners will not be held responsible for any breach of license or copyright by any submission thereof.

You retain copyright of your submission but grant full and unlimited usage free of charge to Sabay and other company names the brand Sabay trades under or it’s partners for in perpetuity in all formats. These usage rights will be made exclusive unless permission in writing is granted from Sabay or other company names the brand Sabay trades under or it’s partners

Individual and / or group submissions accepted.

Companies and / or persons that are employed in a full or part time professional basis to produce or help produce audiovisual material for private or public usage for any shape or form will be deemed ineligible.

No more than $50 should be spent by entrants on production costs. Sabay and other company names the brand Sabay trades under or it’s partners reserve the right to disqualify a submission upon the basis of supposition of this rule not adhered to, without limitation.

Limit 3 films per entrant

Submissions to be made no later than 31st May

Sabay and other company names the brand Sabay trades under or it’s partners decisions are final.