លោក ហេង​ ស៊ីមន និង ណាប់ ពិសី ញញឹម​ពព្រាយ កាល​ពី​យប់​មិញ​នៅ​ភោជនីយដ្ឋាន​ឡាក់​គីស្តារ ក្នុង​វេលា​ទទួល​ដំណើរ​របស់​ភ្ញៀវកិត្តិយស​ដែល​អញ្ជើញ​មក​ចូល​រួម ពិធី​មង្គល​របស់​ពួកគេ មុន​ពេល ឈាន​ដល់​ការ​ថើប​មាត់​គ្នា ក្នុង​វេលា​កាត់​ផ្លែ​ឈើ។

នៅ​មុន​នេះ​បន្តិច អតីត​អ្នក​រៀប​​ចំកម្មវិធី​​ក្នុង​កម្មវិធី​«សុក្រ​សប្បាយ» របស់​ស្ថានីយ​ទូរទស្សន៍​ប៉ុស្ដិ៍​លេខ​៥ លោក ហេង ស៊ីមន ធ្លាប់​បាន​បង្ហើប​ថា នៅ​ក្រោយ​ចូល​ឆ្នាំ​ខ្មែរ​ហើយ លោក​នឹង​មាន​ពិធី​ធំ​មួយ ដែល​គេ​កាត់​ស្មាន​ថា នោះ​គឺ​ជា​មង្គលការ ហើយ​ជាក់​ស្ដែង គឺ​ការ​កាត់​ស្មាន​នោះ ពិត​ជា​ត្រឹម​ត្រូវ​មែន ខណៈ​លោក និង​អតីត​តារា​សម្ដែង​អ្នកនាង ណាប់ ពិសី បាន​ចូល​រោង​ជ័យ​រួច​ហើយ​កាល​ពី​យប់មិញ​នេះ។ សិល្បករ សិល្ប​ការិនី និង​ក្រុម​ផលិត​ជា​ច្រើន​រូប​ចូល​រួម ក្នុង​ពិធី​ជ័យ​មង្គល​របស់​ពួកគេ​។ ក្រឡេក​មើល ទិដ្ឋភាព​ត្រួសៗ​ទាំង​អស់​គ្នា។

អត្ថបទ៖ ទារិកា