ក្រុម​លេខ​២​កំពូល​តារាង Manchester City ត្រូវ​បើក​កីឡដ្ឋាន Etihad Stadium ទទួល​ភ្ញៀវ​ដែល​ជា​អ្នក​ជិត​ខាង និង ជា​គូ​ប្រជែង​ឈាន​ទៅ​កំពូល​តារាង​មុន​បញ្ចប់​រដូវ​កាល Manchester United ក្នុង​សប្ដាហ៍​ទី​៣៦ ​នៅ​ម៉ោង ២ រំលង​អាធ្រាត្រ​​យប់​នេះ។

នេះ​ជា​ការ​ប្រកួត​​ដ៏​ធំ​ប្រចាំ​រដូវ​កាល ស្រប​ពេល​ដែល​ក្រុម​ទាំង​​ពីរ​​​​ចង់​ឈ្នះ​រៀង​ៗ​ខ្លួន​​​ដើម្បី​​ឈាន​ទៅ​រក​ជើង​ឯក​ក្នុង​រដូវ​កាល​នេះ។ ម្ចាស់​ផ្ទះ Man City បើ​ឈ្នះ​នៅ​​ជំនួប​នេះ​គឺ​ស្មើ​ពិន្ទុ​ជាមួយ​ក្រុម​នាំ​មុខ​ក្នុង​តារាង Man Utd ហើយ​អាច​នាំ​មុខ​នៅ​ក្នុង​តារាង​វិញ ព្រោះ​​គ្រាប់​បាល់​ស៊ុត​បញ្ចូល​ទី​ច្រើន​ជាង។ ចំណែក​ឯ​ក្រុម​ភ្ញៀវ Man Utd ប្រសិន​បើ​ឈ្នះ​នៅ​ប្រកួត​នេះ គឺ​អាច​នាំ​មុខ​ដាច់​រហូត​ដល់​៦​ពិន្ទុ ហើយ​មាន​ឱកាស​ច្រើន​ក្នុង​ការ​​ពារ​តំណែង​ជើង​ឯក Premier League សា​ជា​ថ្មី​។

បើ​យោង​តាម​គេហទំព័រ Goal.com បាន​បង្ហាញ​ពី​កីឡាករ​ទំនង​ជាប់​ជម្រើស​ដំបូង​​នៅ​ក្នុង​ប្រកួត​នេះ​ដូច​ខា​ងក្រោម៖

Man City : ប្រើ​ទម្រង់​លេង​ប្រចាំ​ត្រកូល ៤-២-៣-១ ដោយ​មាន​អ្នក​ចាំ​ទី​ដៃ​ស្អិត Hart ខ្សែ​ការពារ​រឹងមាំ ​Richards, Kompany, Lescott, Clichy  ខ្សែ​បម្រើ​ Y Toure, Barry ខ្សែ​បម្រើ​ប្រយុទ្ធ Silva, Tevez, Nasri និង​ ខ្សែ​ប្រយុទ្ធ Aguero ។

Man Utd : ប្រើ​ទម្រង់​លេង ៤-៤-២ ដោយ​មាន​អ្នកចាំ​ទី​ De Gea ខ្សែ​ការ​ពារ Smalling, Ferdinand, Evans, Evra ខ្សែ​បម្រើ Valencia, Carrick, Scholes, Nani និង​ខ្សែ​ប្រយុទ្ធ Rooney ចាប់​ដៃ​គូ​ជាមួយ Welbeck។

ព័ត៌មាន​ក្រុម Man City មុន​ការប្រកួត

លោក​គ្រូ​បង្វឹក Roberto Mancini ធ្លាប់​ដឹកនាំ​ក្រុម​ចាញ់​តែ​មួយ​ប្រកួត​ប៉ុណ្ណោះ​នៅ​ក្នុង​ផ្ទះ ក្នុង​ចំណោម ២២ ប្រកួត។ រក​គ្រាប់​បាល់​បាន៥១ គ្រាប់ ត្រឹម​តែ ១៧ ប្រកួត។

ទំនង​ជា​មាន​ប្រៀប​ច្រើន​​ជាង​ភ្ញៀវ ព្រោះ​ប្រកួត​​នៅ​ជើង​ទី១ បាន​យក​ឈ្នះ​រហូត​ដល់ ៦ – ១ នៅ​ក្រៅ​ដី។

David Silva ជា​កីឡាករ​ដែល​​ជាប់​ជា​អ្នក​បញ្ជូន​បាល់​ឲ្យ​មិត្ត​រួម​ក្រុម​​ស៊ុត​ចូល​ទី​ច្រើន​ជាង​គេ សរុប ១៥ គ្រាប់។

S.Aguero ​ជា​ខ្សែ​ប្រយុទ្ធ​មុត​ស្រួច និង ​ធ្លាប់​រក​គ្រាប់​បាល់​បាន ២២ គ្រាប់។

ជិត​ប្រាំ​ឆ្នាំ​ចុង​ក្រោយ Man City មិន​ស៊ុត​បញ្ចូល​ទី Man Utd នៅ​ក្នុង​ផ្ទះ​របស់​ខ្លួន​ទេ​ក្នុង​​ BPL។

ក្នុង​ចំណោម ៣៥ ប្រកួត ​ឈ្នះ ២៥ ស្មើ ៥ និង ចាញ់ ៥ មាន ៨០ ពិន្ទុ​ក្នុង​ដៃ។

ប្រាំ​ប្រកួត​ចុង​ក្រោយរបស់​ក្រុម​នៅ​ក្នុង​លីក៖

ថ្ងៃ​ទី​២២ ខែ មេសា Wolves 0 – Manchester City ២
ថ្ងៃ​ទី​១៤ ខែ មេសា Norwich City ១ – Manchester City ៦
ថ្ងៃ​ទី​១១ ខែ មេសា Manchester City ៤ – West Bromwich 0
ថ្ងៃ​ទី ៨ ខែ មេសា Arsenal ១ – Manchester City 0
ថ្ងៃ​ទី ៣១ មីនា  Manchester City៣ – Sunderland ៣

ព័ត៌មាន​ក្រុម Man Uth មុន​ការប្រកួត

កីឡាករ W.Rooney រក​គ្រាប់​បាល់​បាន ២៦ គ្រាប់ ក្នុង​ចំណោម ៣៥ ប្រកួត​កន្លង​មក។

ខ្សែ​បម្រើ​ប្រយុទ្ធ A. Valencia ធ្លាប់​បញ្ជូន​បាល់​ឲ្យ​មិត្ត​រួម​ក្រុម​ស៊ុត​បញ្ចូល​ទី ចំនួន ១៤ គ្រាប់។

ក្នុង​ចំណោម ៣៥ ប្រកួត ឈ្នះ ២៦ ស្មើ ៥ និង ចាញ់ ៤ មាន ៨៣ ពិន្ទុ​ក្នុង​ដៃ។

កីឡាករ A.Lindegaard, D.Fletcher, N.Vidic, Anderson, P.Pogba ស្ថិត​នៅ​ក្នុង​បញ្ជី​ជា​កីឡាកររបួស។

ប្រាំ​ប្រកួត​ចុង​ក្រោយ​​នៅ​ក្នុង លីក ៖

ថ្ងៃ​ទី ២២ ខែ​មេសា ២០១២ Manchester United ៤ – Everton ៤
ថ្ងៃ​ទី ១៥ ខែ មេសា ២០១២ Manchester United ៤ – Aston Villa ០
ថ្ងៃ​ទី ១១ ខែ មេសា ឆ្នាំ​២០១២ Wigan Athletic ១ – Manchester United ០
ថ្ងៃ​ទី ៨ ខែ មេសា ឆ្នាំ ២០១២ Manchester United ២ – QPR ០
ថ្ងៃ​ទី ២ ខែ មេសា ឆ្នាំ ២០១២ Blackburn 0 – Manchester United ២

ប្រវត្តិ​ជួប​គ្នា​​៥​ប្រកួ​ចុង​ក្រោយ៖

ពាន​រង្វាន់ FA Cuo ថ្ងៃ​ទី ៨ ខែ មករា ឆ្នាំ ២០១២  Manchester City ២ – Manchester United ៣
នៅ BPL ថ្ងៃ​ទី ២៣ ខែ តុលា ឆ្នាំ ២០១១  Manchester United ១  – Manchester City ៦
នៅ​ពានរ​ង្វាន់ FA Community Shield ថ្ងៃ​ទី ៧ ខែ  សីហា ឆ្នាំ ២០១១ Manchester City ២ – Manchester United ៣
ពាន​រង្វាន់ FA Cup ថ្ងៃ​ទី ១៦ ខែ មេសា ឆ្នាំ ២០១១ Manchester City ១ – Manchester United ០
នៅ BPL ថ្ងៃ​ទី ១២ កុម្ភៈ ឆ្នាំ ២០១១ Manchester United ២ – Manchester City ១

ព្យាករណ៍​របស់ Sabay៖

Manchester City ៣ – ២ Manchester United

ហ៊ាន​ថា​អត់​ប្រិយមិត្ត​ រវាង​ក្រុមង​ទាំង​ពីរ?

អត្ថបទ៖ ម៉ឺន រស្មី
រូបថត៖Goal