ថ្មីៗ​នេះ Sony Mobile បាន​ប្រកាស smartphone ប្រើ​ប្រព័ន្ធ 4G LTE ពីរ​ស៊េរី​គឺ​ Xperia GX និង Xperia SX សម្រាប់​ដាក់​លក់​នៅ​លើ​ទីផ្សារ​ប្រទេស​ជប៉ុន។

Xperia GX

ទូរស័ព្ទ​ទាំង​ពីរ​ស៊េរី​នេះ​បាន​បំពាក់​មក​ជាមួយ​ប្រព័ន្ធ 4G LTE ដែល​មាន​​ល្បឿន download 75Mbps, ប្រើ​ប្រព័ន្ធ​ប្រតិបត្តិការ Android 4.0 Ice Cream Sandwich, CPU dual-core ល្បឿន 1.5GHz, បច្ចេកវិទ្យា Sony Exmor R សម្រាប់​ទូរស័ព្ទ, ថត​វីដេអូ​កម្រិត Full HD , ថត​រូប​ទេសភាព​លក្ខណៈ 3D,  Walkman, GPS, Bluetooth, WiFi, HDMI និង​បាន​រចនា​ឡើង​ឲ្យ​មាន​រូបរាង​ស្ដើង​និង​មាន​ទម្ងន់​ស្រាល​ប្រហាក់​ប្រហែល​គ្នា។

Xperia SX

ក្រៅ​ពី​លក្ខណៈ​សម្បត្តិ​​ទាំង​នេះ​ Xperia ទាំង​ពីរ​ស៊េរី​ខាង​លើ​មាន​លក្ខណៈ​ពិសេស​រៀង​ៗ​ខ្លួន​ដូច​ជា៖  Xperia GX បាន​ភ្ជាប់​មក​ជាមួយ​អេក្រង់ Reality Display ទំហំ ៤,៦អ៊ីញ, បំពាក់​មក​ជាមួយ Mobile BRAVIA Engine និង​មាន​កាមេរ៉ា​ទំហំ 13 Megapixel។ ចំណែក Xperia SX  បាន​ភ្ជាប់​មក​ជាមួយ​អេក្រង់ Reality Display ដូច​គ្នា​តែ​មាន​ទំហំ ៣,៧អ៊ីញ, បំពាក់​​ដោយ​ Mobile BRAVIA Engine ដូច​គ្នា​តែ​កាមេរ៉ា​ទំហំ​ត្រឹម​តែ 8 Megapixel ប៉ុណ្ណោះ។

ក្រុមហ៊ុន​មិន​បាន​ប្រាប់​តម្លៃ​នោះ​ទេ តែ​បាន​បញ្ជាក់​ថា​ទូរស័ព្ទ​ទាំង​ពីរ​ស៊េរី​នេះ​នឹង​មាន​ដាក់​លក់​នៅ​លើ​ទីផ្សារ​ជប៉ុន​នា​រដូវ​ក្ដៅ​នេះ​​ដោយ​មាន​ពីរ​ពណ៌​​​សម្រាប់​ជ្រើសរើស​គឺ​ស និង ខ្មៅ៕

ប្រែ​សម្រួល៖ សេង សុភ័ក្ត
ប្រភព​និង​រូបភាព៖
itechnews