ក្រុមហ៊ុន Fujitsu បាន​ប្រកាស​កុំព្យូទ័រ​ម៉ាក​ថ្មី​គឺ Lifebook AH530 GFX ដែល​ទើប​តែ​ទទួល​បាន​កំណែ​ទម្រង់​​កាល​ពី​ព្រឹកមិញ​នេះ។ Lifebook AH530 GFXដ៏​ថ្មី​ស្រឡាង​នេះ​ត្រូវ​បាន​បំពាក់​នូវ​អេក្រង់ LCD ទំហំ 15.6-inch មាន RAM ប្រភេទ Core i7 ទំហំ 8GB និង HDD 500GB ព្រម​ទាំង HDMI-VGA output ថែម​ទៀត​ផង​។ ចំពោះ​បច្ចេកវិទ្យា​នៃ​ការ​បញ្ជូន Data វិញ​មាន​ដូច​ជា WiFi Bluetooth និង​មាន Slotសម្រាប់​ដោត USB 2.0 ចំនួន​បី​សម្រាប់​ធ្វើ​ការ​ភ្ជាប់​ទៅ​កាន់​ឧបករណ៍​អេឡិចត្រូនិច​ផ្សេងៗ ហើយ​ជា​ពិសេស​បំផុត​នោះ​គឺ Fujitsu​បាន​បំពាក់​នូវ​Video Card រហូត​ដល់​ទៅ​1GB។

Lifebook AH530 GFXបង្ហាញរាងដ៏ស្រស់សង្ហាររបស់ខ្លួន

យ៉ាងណាមិញ Fujitsu ពុំ​ទាន់​លាតត្រដាង​ព័ត៌មាន​លម្អិត​នៃ​កុំព្យូទ័រ​យួរ​ដៃ​នេះ​នៅ​ឡើយ​ទេ ប៉ុន្តែ Fujitsu គ្រោង​នឹង​​ចរាចរ​ផលិតផល​ស៊េរី​ថ្មី​របស់​ខ្លួន​នៅ​ដើម​ខែ កញ្ញា​ខាង​មុខ​នេះ​ហើយ​៕

បក​ប្រែៈ ជីព ចិត្ត