ថ្មីៗ​នេះ​ក្រុមហ៊ុន SHARP បាន​ឲ្យ​ដឹង​ថា ខ្លួន​កំពុង​ត្រៀម​ដាក់​បង្ហាញ Tablet មួយ​ប្រភេទ ដែល​អាច​ប្រើ​ប្រព័ន្ធ​ប្រតិបត្តិការ​បាន ២ ក្នុង​ម៉ាស៊ីន​តែ​មួយ​គឺ បាន​ទាំង​Windows 8និង​Android 4.0។

ក្រៅ​ពី​លក្ខណៈ​ពិសេស​ខាង​លើ Tablet នេះ​ក៏​មាន​លក្ខណៈ​សម្បត្តិ​មួយ​ចំនួន​ទៀត​ផង​ដែរ រួម​មាន៖ អេក្រង់​ touchscreenទំហំ ១០អ៊ីញ ជា​មួយ resolution 1280x800px, ប្រើ​កាត​សម្រាប់​ផ្ទុក​ទិន្នន័យ​ប្រភេទ SSD ទំហំ 32GB, កាមេរ៉ា​ក្រោយ​ទំហំ 8MP ហើយ​ខាង​មុខ​ទំហំ 1.3MP និង​ថ្ម​កាន់​បាន ១២ម៉ោង។

ប្រភពដដែល​​បាន​ឲ្យ​ដឹង​ថា Tablet ផលិត​ដោយ SHARP ខាង​លើ​នេះ​មិន​ទាន់​ត្រូវ​បាន​គេ​ស្គាល់​ថា​មាន​ឈ្មោះ​អ្វី​នៅ​ឡើយ​ទេ ព្រម​ទាំង​កាល​បរិច្ឆេទ​ចេញ​លក់ និង​តម្លៃ​ តែ​គេ​សង្ឃឹម​ថា​នឹង​ចេញ​លក់​ក្នុង​ពេល​ឆាប់ៗ​នេះ​ ជា​មួយ​នឹង​តម្លៃ​សមរម្យ។

យល់​យ៉ាង​ម៉េច​ដែរ, Tablet មួយ​ប្រើ OS ពីរ​អញ្ចឹង?

ប្រែ​សម្រួល៖ ឈុន ហួរ
ប្រភព៖ mygadgetreview.blogspot.com
រូបភាព៖ tablet-news.com