តារាភាពយន្ត Olson សម្រាលបុត្រមួយហើយ Trackback
នាង Kaitlin Olson និងស្វាមីលោក Rob McElhenney បានទើបផ្ដល់កំណើត អោយកូន
ប្រុសមួយឈ្មោះ Alex Lee McElhenney នៅក្នុងផ្ទះរបស់ពួកគេនាទីក្រុង Los Angles កាលពីថ្ងៃពុធនេះ។
Alex Lee កូនប្រុសដែលទើបនឹងកើតនេះ មានទំងន់៨ .៧ផោន ហើយព្រឹត្តិការណ៍នេះធ្វើអោយឪពុករបស់វាខកខានក្នុងការចូលរួម ក្នុងកម្មវិធីមួយ។ កាលពីថ្ងៃព្រហស្បតិ៍ Oslon បាននិយាយថា នេះជាកំណើតកូនទីមួយហើយសម្រាប់នាងនិងស្វាមី។ អ្នកទាំងពីរកំពុងតែថតខ្សែភាពយន្តមួយរឿងរួមគ្នាមានចំណងជើង ថា “”It’s Always Sunny in Philadelphia” ជាកម្មសិទ្ធិរបស់ ផលិតកម្ម FX គឺជាភាពយន្តបែប កំប្លែងសើច។
Olson មានវ័យ៣៥ឆ្នាំ ខណៈ McElhenney មានអាយុតិចជាងនាង ២ឆ្នាំ។ អ្នកទាំងពីរចាប់មានទំនាក់ទំនងស្នេហាជាមួយគ្នាតាំងពីឆ្នាំ២០០៧ និងមានឈានដល់ការរៀបការនៅចុងខែកញ្ញាឆ្នាំ២០០៩ និង ទើបតែមានកូនមួយនៅថ្ងៃទី១កញ្ញានេះទេ៕
បកប្រែ៖ ចេង វណ្ណា
