ស្ពានអាកាសឥឡូវយ៉ាងម៉េចដែរ? Trackback
នៅក្បាលថ្នល់ដែលធ្លាប់តែកកស្ទះខ្លាំង ពេលនេះការធ្វើដំណើរទៅមកមានលក្ខណៈងាយស្រួលជាងមុខដោយសារមាន ស្ពានអាកាសជាអ្នកជួយសម្រួល។ ប្រសិនបើយើងធ្វើដំណើរឆ្លងកាត់ក្បាលថ្នល់ យើងនឹងមិនសូវមានការព្រួយបារម្ភការកកស្ទះចរាចរណ៍ដូចមុនទៀត ហើយ ដោយសារតែស្ពានអាកាសជាអ្នកជួយកាត់បន្ថយការកកស្ទះទាំងនេះ។ ខាងក្រោមនេះគឺទស្សនៈលើកឡើងមួយចំនួន តាមរយៈបទសម្ភាសន៍របស់លោក ខុត សីហា អ្នកយកព័ត៌មានរបស់ “សប្បាយ”ជាមួយអ្នករស់នៅជិត ក្បាលថ្នល់ក៏ដូចជាអ្នករត់ម៉ូតូឌុប។
លោក គីម សូរិយា ដែលជាអាជីវករលក់គ្រឿងក្លែមនៅក្បាលថ្នល់បានប្រាប់”សប្បាយ “ថា ក្បាលថ្នល់នៅពេលនេះលែងមានការកកស្ទះដូចកាលពីមុនទៀតហើយ គឺកាលមិនទាន់មានស្ពានអាកាសនិងស្ពានព្រះមុនីវង្សថ្មី ជារៀងរាលពេលព្រឹកពេល ថ្ងៃត្រង់ និងពេលល្ងាច គឺមានការកកស្ទះខ្លាំងណាស់។ លោកបានបន្តទៀតថាការកកស្ទះខ្លាំងបំផុតគឺនៅពេលមានបុណ្យជាតិធំៗ ដូច ជាបុណ្យចូលឆ្នាំខ្មែរ បុណ្យភ្ជុំបិណ្ឌ និង បុណ្យអុំទូក ការកកស្ទះខ្លាំងបំផុតដែលមានរយៈពេលចាប់ពី២ម៉ោងរហូតដល់ទៅ៤ម៉ោង ឯណោះ។
ចំណែកលោក ប៊ុត សាន្ត ដែលជាអ្នករត់ម៉ូតូឌុបនៅទល់មុខហាងសាំង សូគីម៉ិចក្បាលថ្នល់ បានប្រាប”សប្បាយ”ក្នុង ទស្សនៈដូចនឹងអាជីករខាងលើផងដែរថា ក្បាលថ្នល់ពេលនេះលែងមានការកកស្ទះដូចកាលពីមុនទៀតហើយ បើតាមការពិនិត្យមើលទៅគឺវាឈប់ស្ទះចរាចរណ៍១០០%តែម្ដង ហើយលោកបានបន្តទៀតថាកាលពីលើកមុន ពេលស្ទះម្ដងៗគឺចំណាយសាំងអស់ច្រើនណាស់។
រាជធានីភ្នំពេញទើបតែមានស្ពាន អាកាសជាលើកដំបូងបង្អស់ហើយក៏ជាសមិទ្ធផលដំបូងរបស់ប្រទេស កម្ពុជាដែលបានកសាងចប់នៅក្នុងឆ្នាំ២០១០នេះ៕
អត្ថបទ៖ ខុត សីហា
វាពិតជាមានភាពងាយស្រួលសំរាប់អ្នកធ្វើដំនើរទាំងឡាយប្រសិនបើនៅក្បាលថ្នល់លែងមានការកកស្ទះចរាចរដូច្នេះយើងជឿជាក់ថានិងមានស្ពានអាកាសជាច្រើនទៀតសាងសង់ឡើង។ហើយសូមសំនូមពរអោយអ្នកបើកបរគោរពច្បាប់ចរាចរនិងភ្លើងសញ្ញាចរាចរចេះអត់អោនអាធ្យាស្រ័យអោយគ្នាទៅវិញទៅមក។
គ្រាន់តែមានស្ពានអាកាស ហេតុអីក៏លប់រង្វង់មូល? អត់មានអញ្ចឹង យូរណាស់ពេលចង់បត់ឆ្វេង!!!!