គ្រួសារ​​លោក Chang Sheng-kai ​ជា​ជនជាតិ​តៃវ៉ាន់ រួម​ជាមួយ​​ឪពុក​របស់​​លោក​​​ឈ្មោះ Chang Han-zhang និង កូន​ប្រុស​​បង្កើត​ឈ្មោះ  Chang Jia-hao នាំ​គ្នា​ជិះ​កង់​​ក្នុង​រយៈ​ចំងាយ ៤៥០០ គីឡូម៉ែត្រ ដោយ​ឆ្លង​កាត​ទឹកដី​​មហា​យក្ស​ចិន ដោយ​ចាប់​ផ្ដើម​ពី​​ផ្លូវ​​​ខាង​កើត​ក្រុង Fuzhou ភាគ​ខាង​កើត​ប្រទេស​ចិន​កាល​ពី​ថ្ងៃ​ចន្ទ​ទី​២ ​កក្កដា ថ្មីៗ​នេះ។

បើ​តាម China daily  បាន​សរសេរ​​ថា គ្រួសារ​មួយ​នេះ​​ត្រូវ​ចំណាយ​ពេល​ ២៨ ថ្ងៃ​ដោយ​ត្រូវ​​ជិះ​​ឆ្លង​កាត់ ១១ ខេត្ត​នៃ​ប្រទេស​ចិន និង ​ទីក្រុង​សំខាន់ៗ មួយ​ចំនួន​ដូច​ជា  Zhejiang, Shanghai, Jiangsu and Beijing  ពោល​គឺ​​ចាប់​ពី​ភាគ​ខាង​កើត​ខេត្ត  Fujian ឆ្ពោះ​ទៅ​កាន់​ភាគ​ទិសឦសាន​នៃ​ប្រទេស។ ប្រភព​ដដែល​មិន​បាន​បញ្ជាក់​ពី​គោល​បំណង​​​នៃ​ការ​ជិះ​កង់​រយៈ​ចម្ងាយ​ឆ្ងាយ​របស់​ក្រុម​គ្រួសារ​មួយ​នេះ​ទេ។


Chang Jia-hao(ខាង​ឆ្វេង) ,Chang Sheng-kai(កណ្ដាល),​ Chang Han-zhang (ខាង​ស្ដាំ)


អត្ថបទ៖ ម៉ឺន រស្មី
រូបថត៖ chinadaily