ដោយ​យោង​តាម​របាយការណ៍ របស់ GeekWire ពីពេល​ថ្មីៗ​នេះ​បាន​ឲ្យ​ដឹង​ថា Microsoft ទើប​ប្រកាស​ផ្សាយ​ដំណឹង​ដល់​បុគ្គលិក​ធ្វើការ​ពេញ​ម៉ោង​របស់​ខ្លួន​ថា ម្នាក់ៗ​នឹង​ទទួល​បាន tablet ចេញ​ថ្មី “Surface” និង smartphone ដែល​ដំណើរការ​ប្រព័ន្ធ​ប្រតិបត្តិការ​ជំនាន់​ថ្មី​របស់​ខ្លួន “Windows Phone 8” ដោយ​ឥត​គិត​ថ្លៃ

របាយការណ៍​ខាង​លើ​​នេះ​ បាន​បន្ថែម​ថា Microsoft ធ្វើ​បែប​នេះ​ ដោយ​ហេតុ​ចង់​ឲ្យ​រង្វង់​​ការងារ​របស់​បុគ្គលិក​មាន​ភាព​ជឿន​លឿន​ឈាន​ទៅ​មុខ ផ្លាស់​ប្ដូរ​មុខមាត់​ទៅ​ចាប់​យក​បច្ចេកវិទ្យា​ថ្មី​ទំនើប​ចុងក្រោយ និង​ដើម្បី​ឲ្យ​ប្រាកដ​ថា​រាល់​បុគ្គលិក ​upgrade ទៅ​លើ​ម៉ាស៊ីន​ដំណើរការ Windows 8។

Microsoft បាន​ចាប់​ផ្ដើម upgrade device របស់​ខ្លួន​ឲ្យ​ដំណើរការ​ប្រព័ន្ធ​ថ្មី Windows 8 ជា​បណ្ដើរៗ ជា​មួយ​គម្រោង​ចាត់ចែង Surface នឹង device ដំណើរការ​ដោយ Windows Phone 8 ផ្ដល់​ឲ្យ​បុគ្គលិក​នៅ​​ប៉ុន្មាន​សប្ដាហ៍​ឆាប់ៗ​ខាង​មុខ​នេះ​ហើយ។ កន្លង​មក​ក្រុមហ៊ុន Software លំដាប់​ពិភព​លោក​មួយ​​នេះ ធ្លាប់​បាន​ចែក​ជូន device ដែល​ដំណើរការ Windows Phone 7 ដល់​បុគ្គលិក​រហូត​ជាង ៩ម៉ឺន​នាក់​ហើយ។

បន្ត​តាម​ដាន​អត្ថបទ​ដទៃ​ទៀត សូម​ចុច​ត្រង់ ព័ត៌មាន​បច្ចេកវិទ្យា…

ប្រែ​សម្រួល៖ ឈុន ហួរ
ប្រភព៖ www.bgr.com