ថ្មីៗ​នេះ​តារា​សម្ដែង​ស្រី​ដ៏​សិច​ស៊ី​របស់​កូរ៉េ​ខាង​ត្បូង​នាង​ ​Kang Ye Bin​ បាន​ថត​តែង​ខ្លួន​ធ្វើ​ជា​បិសាច​ជញ្ជក់​ឈាម​​​ដ៏​ស្រស់​ស្អាត​មួយ​សម្រាប់​ដាក់​ក្រប​​​ទស្សនាវដ្ដី​កូរ៉េ ​MAXIM​។

នៅ​ក្នុង​ឱកាស​ប្រារព្ធ​ពិធី​បុណ្យ​ Halloween ​ទស្សនាវដ្ដី ​MAXIM ​របស់​កូរ៉េ​ខាង​ត្បូង​បាន​រើស​យក​តារា​សម្ដែង​ស្រី​ដែល​ល្បី​ខាង​សិច​ស៊ី​គឺ​នាង​ Kang Ye Bin​ មក​ថត​ផ្សាយ​ដាក់​ក្រប​ទស្សនាវដ្ដី​របស់​ខ្លួន​។ នៅ​ក្នុង​សិល្បៈ​នៃ​ការ​ថត​រូប​នេះ​គេ​ឃើញ​ថា​នាង ​​Kang Ye Bin​​ ត្រូវ​បាន​ក្រុម​ការងារ​តុប​តែង​ខ្លួន​ឲ្យ​ក្លាយ​ទៅ​ជា​បិសាច​ស្រី​ជញ្ជក់​ឈាម​ដ៏​សិច​ស៊ី​ម្នាក់។

ទស្សនិកជន​ទូទៅ​តែង​តែ​នឹក​ឃើញ​ដល់​ភាព​សិច​ស៊ី​របស់​នាង​នៅ​ពេល​ដែល​និយាយ​ដល់​ឈ្មោះ​តារា​សម្ដែង ​Kang Ye Bin​​ នេះ។​ នៅ​ក្នុង​បទ​សម្ភាសន៍​មួយ​ នាង​បាន​និយាយ​ដោយ​ស្មោះ​ត្រង់​ថា​មនុស្ស​ទូទៅ​ហៅ​នាង​ថា​ស្រី​សិច​ស៊ី​ហើយ​នាង​គិត​ថា​ពាក្យ “​សិច​ស៊ី​” នេះ​គឺ​ជា​ការ​សរសើរ​ដែល​ល្អ​ជាង​គេ​បំផុត​ដែល​ប្រើ​សម្រាប់​ស្ត្រី។ ​នាង​ក៏​បាន​បន្ថែម​ថា​ប្រសិន​បើ​ស្ត្រី​ម្នាក់​គ្មាន​ភាព​សិច​ស៊ី​ទេ​ស្ត្រី​នោះ​មិន​មាន​មន្ត​ស្នេហ៍​នោះ​ទេ។

នាង Kang Ye Bin ​​គឺ​ជា​តារា​សម្ដែង​ស្រី​ប្រចាំ​សាធារណរដ្ឋ​កូរ៉េ​ខាង​ត្បូង។ ​នាង​កើត​នៅ​ថ្ងៃ​ទី​២០​ខែ​មករា​ឆ្នាំ​១៩៨៣៕

ប្រែ​សម្រួល៖ គា ច័ន្ទនិមល
ប្រភព៖ yahoo