ក្រោយ​ពី​​ទទួល​ការ​គាំទ្រ យ៉ាង​ខ្លាំង​ពី​សំណាក់​ទស្សនិកជន​នៃ​រឿង​អាប​ពាក់​មួក​សុវត្ថិភាព ​ដែល​កំពុង​នឹង​ដាក់​បញ្ចាំង​​នៅ​រោង​​ភាពយន្តធំៗ ពីរព្រមគ្នា គឺរោង​ភាពយន្ត​ផ្លាទីនីមស៊ីណេផ្លិច ផ្សារសូរិយា និងរោងភាពយន្ត លេជេន ផ្សារស៊ីធីម៉ល លោក លៀក លីដា ដែលជាចាងហ្វាងផលិតកម្ម អិលឌី និង​ជា​អ្នក​ដឹក​នាំ​រឿង​អាប​ពាក់​មួក​សុវត្ថិភាព​ បាន​ប្រាប់​ អ្នក​យក​ព័ត៌មាន​ថា​ រឿង អាប​ពាក់​មួក​សុវត្ថិភាព​ជា​វណ្ណកម្មទី​មួយ​​ដែល​ត្រូវ​បាន​ផលិត​ឡើង​ដោយ​ផលិតកម្ម អិលឌី   ដែល​ចូល​រួម​ឧបត្ថម្ភ ដោយ​ផលិត​កម្ម RGB។ ​ ពេលនេះ​​លោក​ និង​ក្រុម​ការងារ​កំពុងតែ​​​    មមាញឹក​យ៉ាង​ខ្លាំង​ សម្រាប់​ការ​ត្រៀម​ចេញ​ថត​រឿង​អាបពាក់មួក​សុវត្ថិភាព​វគ្គ២


​រូប​ថត​កាល​សម្ពោធ​រឿង​អាប​ពាក់​មួក​សុវត្ថិភាព​វគ្គ​មួយ​កន្លង​មក

រឿង​អាប​ពាក់​មួក​សុវត្ថិភាពវគ្គ២ គឺ​ជា​ប្រភេទ​រឿង​កំប្លែង​សើច​ជ្រួញ​មុខ ដោយ​សាច់​រឿង​តម្រូវ​ឲ្យ នាង​អាប​មក​លេង​បង​ប្អូន​នៅ​ទី​ក្រុង និង​មាន​ឈុតឆាក​រន្ធត់​ព្រឺព្រួច​​ជាច្រើន​ ដែល​បង្កើត​ឡើង​ដោយ​សមាជិក​ក្រុម​នាយខេន​ ម្នាក់​គឺ​នាយ​ពាង​ដែល​ត្រូវ​បាន​ខ្មោច​ឆៅ​ខាំ​ពី​វគ្គ១ ហើយ​បាន​មក​ខាំ​ចម្លង​មេរោគ​ពេញទីក្រុង   (ឆ្លង Virus ខ្មោចឆៅ)។

ដោយ​រឿង​អាប​ពាក់​មួក​សុវត្ថិភាព​វគ្គ​២​នេះ​ ជា​ប្រភេទ​ខ្សែ​ភាពយន្ត​ខ្នាតធំ​ ដូច​នេះ​ផលិតកម្ម ​អិលឌី បាន​ចំណាយ​ថវិការ​ជាច្រើន សម្រាប់​ទិញ​ឧបករណ៍​និង​គ្រឿង​តុបតែង​ខ្មោច​ពី​សហរដ្ឋអាមេរិក។​

ភាព​ជោគ​ជ័យ​ផលិត​​រឿង​អាប​ពាក់​មួយ​សុវត្តិភាព​​វគ្គ១​ធ្វើ​ឲ្យ​មាន​ទស្សនៈ​​ដូច​ខាង​ក្រោម៖​

លោក​ ម៉ាប់​ ជា​និស្សិត​ឆ្នាំ​ទី៤​នៃ​សាកលវិទ្យាល័យ ន័រតុន​ បង្ហាញ​នូវ​ភាព​រំភើប​រីករាយ​ជា​ខ្លាំង​ ក្រោយ​ពីបាន​ទស្សនា​រឿង​អាប​ពាក់​មួក​សុវត្ថិភាព​រួច។ ​​ដោយ​លែក ខេមរា​បាន​ប្រាប់​ថា​នេះ​ជា​ខ្សែ​ភាពយន្តខែ្មរ​ដែល​កម្រ​បាន​ទស្សនា ព្រោះ​សាច់​រឿង​សើច​ពីដើម​ដល់​ចប់​ ហើយ​តួ​សម្ដែង​សុទ្ធសឹង​ជាតួល្បីៗ។ ​គេ​សង្ឃឹមថា ខ្សែភាព​ យន្តខ្មែរ​នឹង​បន្ត​ធ្វើរឿង​ដែល​មាន​គុណភាព​ដូច​នេះ​បន្ត​ទៀត។

លោក ម៉ាប់

ចំណែក​ កញ្ញា ​ស្រីយ៉ា ​ដែល​រស់​នៅ​ខេត្ត​បន្ទាយ​មានជ័យ​ ក្រុង​សិរីសោភ័ណ្ឌ បាន​សរសើរ​មិន​ដាច់​ពី​មាត់​ ដោយ​ទស្សនា​រឿង​អាប​ពាក់​មួក​សុវត្ថិភាព​ហើយ​ មាន​អារម្មណ៍​សប្បាយ​​សើច​ចុកពោះ។ កញ្ញា​បន្ត​ថា​រឿង​​នេះ​ មើល​ម្ដង​ហើយ​ចង់​មើល​ ម្ដងទៀត ព្រោះ​នាង​បាន​ទស្សនា​ជា​មួយ​មិត្តភ័ក្ដិ​ម្ដង​រួច​មក​ហើយ។​

ស្រីយ៉ា

រី​ឯ​លោក ​ល័ក្ខ ​រស់​នៅ​ទី​ក្រុង​ភ្នំពេញ​ បាន​កោត​សរសើរ​ចំពោះ​​ការ​ផលិត​នេះ​ ដែល​មាន​សាច់​រឿង​កំប្លែង​សើច​រហូត។ លក្ខណៈ​ពិសេស​នោះ​គឺ អាប​ពេល​ហោះ​រក​ចំណី​នាង​តែង​តែ​ពាក់​មួក​សុវត្ថិភាព​ ព្រោះ​ខ្លាច​មាន​គ្រោះ​ថ្នាក់ ដូច​នេះ​ប្រជា​ពលរដ្ឋ​ទាំង​អស់​ដែល​បើក​បរ​មិន​ពាក់​មួក​សុវត្ថិភាព​ គួរ​តែ​ពាក់​មួក​សុវត្ថិភាព​ទាំង​អស់​គ្នា​ ដើម្បី​ការពារ​សុវត្ថិភាព​អាយុ​ជីវិត​របស់ អស់​លោក​អ្នក។​ សង្ឃឹម​ថា​ផលិតកម្ម​អិលឌី នឹង​បន្ត​ផលិត​ខ្សែ​ភាព​យន្ត​ដែល​មាន​សាច់​រឿង​ល្អ និង​គុណភាព​ខ្ពស់​បន្ត​ទៀត។

លោក ល័ក្ខ

ទន្ទឹម​គ្នា​នេះ​ លោក​ លៀក​ លីដា​   បាន​បន្ត​ថា​ក្នុង​ពេល​នេះ​ដែរ​ ផលិតកម្ម អិលឌី ​របស់​លោក​កំពុង​តែ​ជ្រើស​រើស​តួ​សម្ដែង​សម្រាប់​ថត​រឿង​ អាប​ពាក់​មួក​សុវត្ថិភាព​ វគ្គ២ ​ដូច​នេះ​គ្រប់​តួសម្ដែង​ដែល​មាន​បទពិសោធន៍​និង​មិន​ទាន់​មាន​បទពិសោធន៍​ទាំងអស់ ​ដែល​មាន​ចំណាប់​អារម្មណ៍ និង​គិត​ថា​ខ្លួន​មាន​សមត្ថភាព ក្នុង​ការ​សម្ដែង    អាច​​ទាក់ទង​​តាមរយៈ ៖

​ទូរស័ព្ទ​លេខ 066 6666 90 /​ 012 339 739

Email: leaklydald@gmail.com / nytraly@yahoo.com ។