កាល​ពី​ថ្ងៃ​ទី​១១ មករា ២០១៣ កន្លង​ទៅ​នេះ ក្រុមហ៊ុន Mfone  (MFone CO.,LTD) បាន​ចេញ​សេចក្ដី​ប្រកាស​ថា ចាប់​ពី​ថ្ងៃ​ទី​១៤ មករា ខាង​មុខ​នេះ អតិថិជន​ទាំង​អស់​ដែល​កំពុង​ប្រើ​ប្រាស់​ប្រព័ន្ធ​របស់​ខ្លួន​ទាំង​អស់ Mobitel ជា​អ្នក​ផ្ដល់​សេវា​ចល័ត​ជំនួស​វិញ។

ក្នុង​សារ​ជូន​ដំណឹង​ដដែល​នេះ Mfone បាន​បញ្ជាក់​ទៀត​ថា អតិថិជន (Subscriber) ប្រព័ន្ធ Mfone នឹង​ទទួល​បាន​ស៊ីមកាត Mobitel ដោយ​ឥត​គិត​ថ្លៃ​ជំនួស​វិញ ប៉ុន្តែ​ពួក​គេ​នៅ​រក្សា​បាន​លេខ​ក្បាល (Prefix) ដដែល។

បច្ចុប្បន្ន​ ស៊ីមកាត​ស្ថិត​ក្រោម​ស្លាក​សញ្ញា​ Mfone មាន​ដូចជា៖ 011, 099, 085 និង 076។ រី​ឯ​ក្បាល​លេខ​របស់ ​Cellcard វិញ​មាន 012, 017, 077, 078, 095,092 និង089។ ដូច្នេះ​ក្បាល​លេខដែល​មាន​អ្នក​ប្រើប្រាស់​រាប់​លាន​នាក់​ខាង​លើ​នេះ នឹង​ក្លាយ​ជា​របស់​ Mobitel តែ​មួយ​គត់។

ព័ត៌មាន​ពិស្ដារ ​​Sabay នឹង​ផ្សាយ​ជូន​ជា​បន្តបន្ទាប់…