សត្វត្មាតស៊ីសាកសពស្អុយរលួយ តែបានជួយដល់មនុស្ស សត្វមិនធម្មតា

2018-08-29 08:54:56
ចំនួនមតិ 0 | ចំនួនចែករំលែក 0

ចន្លោះមិនឃើញ

សត្វត្មានជាសត្វដែលស៊ីសាកសពជាអាហារ ហើយការស៊ីសាកសពនេះអាចធ្វើឲ្យមនុស្សមួយចំនួនគិតថាសត្វនេះជាសត្វកខ្វក់ ប៉ុន្តែការពិតជាក់ស្តែងសត្វត្មាតបានជួយដល់មនុស្ស និងសត្វដទៃទៅវិញទេតាមរយៈការស៊ីសាកសពនេះ។

អង្គារ BirdLife International Cambodia Programme បានសរសេរនៅលើ ទំព័រហ្វេសប៊ុករបស់ខ្លួនថាសត្វត្មាតរក្សាបរិស្ថានឱ្យល្អស្អាត និងបង្កាមិនឱ្យក្លិនស្អុយ និងជំងឺរាតល្បាត ឆ្លងទៅមនុស្ស និងសត្វពាហនៈ។ ប្រភពដដែលសរសេរទៀតថា សត្វត្មាតស៊ីសាកសពសត្វដែលងាប់ស្អុយរលួយ ដែលសាកសពសត្វស្អុយរលួយនោះ អាចមានផ្ទុកមេរោគឆ្លង ហើយអាចចម្លេងមកមនុស្ស និងសត្វបាន។

ទោះយ៉ាងណាមកដល់ឆ្នាំ២០១៨ នេះតាមរយៈការអង្កេតសត្វត្មានៅកម្ពុជាមានតិចជាង១៣០ក្បាលប៉ុណ្ណោះ។ ប្រភពដដែលបន្តថា៖ «សត្វត្មាតទាំងនេះ ជាប្រភេទសត្វបក្សី ដែលមានជាតិអាស៊ីតខ្លាំងក្នុងក្រពះ ដែលធ្វើឱ្យពួកវាអាចស៊ីសាកសពសត្វស្អុយរលួយបានយ៉ាងងាយ។ ដោយសម្អាតសាកសពសត្វដែលស្អុយរលួយអស់ពីដី សត្វត្មាតបង្កាមិនឱ្យមានជំងឺឆ្លងរាលដាលដល់មនុស្ស និងសត្វ»។

ទោះយ៉ាងណាប្រភពខាងលើថាសត្វត្មាតកំពុងទទួលរងគ្រោះបាទើជម្រកដោយការកាប់បំផ្លាញព្រៃឈើ និងដោយការពុលថ្នាំបំពុលសត្វព្រៃជាដើម។ អង្គការខាងលើអំពាវឲ្យប្រជាពលរដ្ឋរួមគ្នាជួយការពារសត្វត្មាត ឈប់បរិភោគសាច់សត្វព្រៃ និងប្រើប្រាស់ថ្នាំបំពុលសត្វព្រៃ៕

ទោះជាយ៉ាងណា សត្វត្មាតកំពុងទទួលរងការគម្រាមកំហែងពីការបាត់បងទីជម្រក ដោយសារតែការកាប់បំផ្លាញព្រៃឈើ និងរងគ្រោះដោយសារការពុលថ្នាំបំពុលសត្វព្រៃ។ ពួកយើងត្រូវតែរួមគ្នាការពារប្រភេទសត្វត្មាតទាំងនេះ ដើម្បីឱ្យពួកវាបន្តដើរតួនាទីដ៏សំខាន់របស់ពួកវាក្នុងប្រព័ន្ធអេកូឡូស៊ី។

រួមគ្នាការពារសត្វត្មាត ដោយមិនបរិភោគសាច់សត្វព្រៃ និងប្រើប្រាស់ថ្នាំបំពុលសត្វព្រៃ។

អត្ថបទ៖ ទូច សុខា