តិចច្រឡំថានៅស្រុកគេអីទៅ នៅខ្មែរមានរឿងថ្ម iPhone ផ្ទុះឆេះហុយផ្សែងពេញផ្ទះ
- 2018-09-05 04:38:00
- ចំនួនមតិ 0 | ចំនួនចែករំលែក 0
តិចច្រឡំថានៅស្រុកគេអីទៅ នៅខ្មែរមានរឿងថ្ម iPhone ផ្ទុះឆេះហុយផ្សែងពេញផ្ទះ
ចន្លោះមិនឃើញ
កាលពីពេលថ្មីៗនេះ នៅកម្ពុជា មានករណីរសើបមួយបានកើតឡើងគឺ iPhone មួយគ្រឿងផ្ទុះឆេះ អំឡុងពេលដែលបុរសម្នាក់បានសាកថ្មទូរសព្ទទុកចោលនៅពេលយប់។
លោក ឡុង ភារម្យ ដែលជាម្ចាស់ទូរសព្ទបាននិយាយថា៖ "ម៉ោង ៣ ទៀបភ្លឺលឺសូរផូងរំពងពេញ បន្ទប់បើកភ្នែកឡើងអណ្តាតភ្លើងក្រហមឆ្អៅ។ ជួបផ្ទាល់ខ្លួនឯងហើយដាក់សាកថ្មទូរសព្ទផ្ទុះឆេះពេញបន្ទប់ បើមិននៅផ្ទះទេ ដឹងតែឆេះផ្ទះខ្ទេចហើយ។ ដូចនេះ សូមបងប្អូនគ្រប់គ្នាមេត្តាប្រុងប្រយត្ន័ ជាពិសេសអ្នកចូលចិត្តសាកថ្មបណ្តើរចុចលេងបណ្តើរ។"
លោកក៏បានបញ្ជាក់ដែរថា ថ្ម iPhone 6 Plus ដែលផ្ទុះនោះគឺជារបស់ដើម(ហ្សីន) មិនមែនថ្មដោះដូរនោះទេ។
ដើម្បីជៀសវាងកើតករណីបែបនេះ ប្រិយមិត្តក៏ដូចជា អ្នកប្រើស្មាតហ្វូនផ្សេងៗ គួរស្វែងយល់ពីរបៀបប្រើប្រាស់ និងការការពារនានាឲ្យមានសុវត្ថិភាពដូចជា កុំទុកឲ្យទូរសព្ទអស់ភ្លើងរហូតដល់ 0% បានសាកភ្លើង បើឃើញថ្មនៅសល់ត្រឹម 35% ប្រញាប់សាកឲ្យពេញ កុំប្រើប្រាស់ឆ្នាំងសាកក្លែងក្លាយ ឬជារបស់គ្មានធានាពីក្រុមហ៊ុននាំចូល បើទូរសព្ទក្តៅខ្លាំង ត្រូវទុកឲ្យត្រជាក់ចាំសាកភ្លើង ហាមសាកភ្លើងពេលទូរសព្ទកំពុងក្ដៅខ្លាំង ត្រូវរកកន្លែងសាកទូរសព្ទឲ្យសមរម្យ ដោយដាក់នៅលើតុក្បែរក្បាលដំណេក(ហាមដាក់នៅលើភួយឬខ្នើយ អាចបណ្ដាលឲ្យឆេះ ករណីទូរសព្ទក្តៅខ្លាំង)៕