លក់ចេញវិញ iPhone X បានតម្លៃខ្ពស់បំផុត ធៀបនឹងស្មាតហ្វូនដទៃខុសគ្នាដាច់
- 2018-09-09 02:18:35
- ចំនួនមតិ 0 | ចំនួនចែករំលែក 0
លក់ចេញវិញ iPhone X បានតម្លៃខ្ពស់បំផុត ធៀបនឹងស្មាតហ្វូនដទៃខុសគ្នាដាច់
ចន្លោះមិនឃើញ
Music Macpie ក្រុមហ៊ុនលក់រាយទូរសព្ទធំមួយរបស់អង់គ្លេសបានបង្កើតការសិក្សាថ្មីមួយ ដែលពិនិត្យមើលលើតម្លៃលក់ចេញវិញរបស់ស្មាតហ្វូនល្បីៗ ក្រោយចេញលក់បានមួយឆ្នាំ។
តាមទិន្នន័យរបស់ក្រុមហ៊ុនខាងលើ ពេលនិយាយពីម៉ាក Apple អាចធ្វើបានល្អជាងគេ ដែលខាតបង់តម្លៃជាមធ្យម ៤៥% ក្រោយចេញលក់បានមួយឆ្នាំ។ Samsung ឈរនៅលេខពីរបាត់បង់តម្លៃ ៦២% និង LG, Google, Huawei, HTC ប្រកៀកប្រកិតគ្នាបាត់បង់តម្លៃចន្លោះពី ៨០% ទៅ ៨៥%។ ភ្ញាក់ផ្អើលជាងគេគឺម៉ាក OnePlus ដែលបាត់បង់តម្លៃរហូតដល់ ៩៧% ជាមធ្យម។
ពេលមើលលើម៉ូដែលនីមួយៗវិញ iPhone X ខាតបង់តិចជាងគេ ដែលខាតបង់ត្រឹម ៣២% ប៉ុណ្ណោះ។ តំណែងបីបន្ទាប់ទៀតគឺ iPhone ដដែលដោយជា iPhone 8 Plus, iPhone 7 និង iPhone 8 បាត់បង់តម្លៃចន្លោះពី ៤៣% ទៅ ៤៥%។
បន្ទាប់មកទៀតគឺ Samsung Galaxy S8, S8+ និង S7 ដែលបាត់តម្លៃចន្លោះពី ៥៨% ទៅ ៥៩%។ បាត់បង់តម្លៃខ្លាំងជាងគេគឺ HTC Desire 820 បាត់បង់ ៩៥%, Honor 5X បាត់បង់ ៩៤% និង OnePlus One បាត់បង់តម្លៃ ៩៤%៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
