ប្រយ័ត្នទៅ គួរប្រើដបទឹកដែកអ៊ីណុក ជាងប្លាស្ទិក បើដឹងហេតុផលភ្ញាក់ខ្លួនមិនខាន
- 2018-09-10 02:24:05
- ចំនួនមតិ 0 | ចំនួនចែករំលែក 0
ប្រយ័ត្នទៅ គួរប្រើដបទឹកដែកអ៊ីណុក ជាងប្លាស្ទិក បើដឹងហេតុផលភ្ញាក់ខ្លួនមិនខាន
ចន្លោះមិនឃើញ
ពេលអ្នកទៅកន្លែងធ្វើការ ក្លឹបហាត់ប្រាណ ឬទីលានទាត់បាល់ មួយចំនួនអាចច្រកទឹកតាមខ្លួន (ទឹកក្រូច ទឹក ឬកាហ្វេ) ងាយស្រួលពេលត្រូវការទទួលទាន និងកាត់បន្ថយការចំណាយមួយផ្នែក។
ការជ្រើសរើសដបទឹក ខ្លះសម្លឹងតម្លៃ ខ្លះទៀតសម្លឹងឃើញគុណភាព រវាងដបទឹកលោហៈអ៊ីណុក និងប្លាស្ទិក នៅតាមហាង។ ហេតុអ្វីដបទឹកដែកអ៊ីណុក ល្អជាងប្លាស្ទិក៖
ប្លាស្ទិកងាយនឹងបែក ខូចទ្រង់ទ្រាយ ជាពិសេសពេលច្រកទឹកក្តៅ ឬត្រូវកម្តៅថ្ងៃ។ ដែកអ៊ីណុក អាចធានាចំពោះរឿងនេះបាន។
ប្លាស្ទិកមានសារធាតុគីមីជាច្រើន ដូចជា BPA (ហានិភ័យកកើតជម្ងឺមហារីក ទឹកនោមផ្អែម និងជម្ងឺមួយចំនួនទៀត) មានហានិភ័យដល់សុខភាពក្នុងពេលប្រើប្រាស់។ សារធាតុគីមីទាំងនេះ រំភាយចេញ ភាគច្រើនពេលសីតុណ្ហភាពកើនក្តៅ ឬពេលដាក់ចោលក្នុងរថយន្ត។
ដបទឹកដែកអ៊ីណុកមិនត្រូវការស្រទាប់ប្លាស្ទិក អាចរក្សាសុវត្ថិភាព និងសុខភាពបានល្អ។ ពេលទិញ គួរពិនិត្យមើលខាងក្នុងផងដែរ ប្រាកដថាក៏ជាដែកអ៊ីណុក។
ត្បិតដែកអ៊ីណុកល្អ ប៉ុន្តែក៏ត្រូវមានការថែទាំ ដោយមិនគួរច្រកទឹកក្តៅខ្លាំង អាចឆាប់ខូចទ្រង់ទ្រាយ ហើយក៏អាចរលាកដៃផងដែរ។ ម្យ៉ាងវិញទៀត គួរសម្អាតដោយប្រើទឹកក្តៅអ៊ុនៗ សាប៊ូ និងប្រើច្រាសធ្មេញទន់ៗ បើត្រូវការ៕
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ