ស្អែកត្រៀម! ម៉ោង ៦ព្រឹកទិវាសម្អាតពិភពលោកដំបូងបង្អស់នៅកម្ពុជាចាប់ផ្តើមហើយ
- 2018-09-14 05:59:07
- ចំនួនមតិ 0 | ចំនួនចែករំលែក 0
ស្អែកត្រៀម! ម៉ោង ៦ព្រឹកទិវាសម្អាតពិភពលោកដំបូងបង្អស់នៅកម្ពុជាចាប់ផ្តើមហើយ
ចន្លោះមិនឃើញ
បន្ទាប់ពីបានផ្សព្វផ្សាយ និងត្រៀមរៀបចំអស់រយៈពេលជិត ២ខែនៅ ២៥ខេត្តក្រុងទូទាំងកម្ពុជា ឥលូវទិវាសម្អាតពិភពលោក ដែលជាព្រឹត្តិការណ៍បរិស្ថានជាសកល និងធ្វើជាលើកដំបូងបង្អស់នៅកម្ពុជា នឹងសម្ពោធបើកហើយនៅមុខក្រសួងបរិស្ថាន ថ្ងៃស្អែកចាប់ផ្ដើមពីម៉ោង ៦ព្រឹក និងបញ្ចប់នៅម៉ោង ១១ថ្ងៃត្រង់។
បើចំណុចចាប់ផ្តើមឆ្ងាយពីផ្ទះ អ្នកក៏អាចចូលរួមបានយ៉ាងងាយស្រួលនៅចំណុចណាមួយតាមផ្លូវដែលក្រុមអ្នកស្ម័គ្រដើរសម្អាតបានដែរ សូមមើលផែនទីផ្លូវដើរសម្រាប់ព័ត៌មានលម្អិតបន្ថែម។
ព្រឹត្តិការណ៍សម្អាតរយៈពេល៥ម៉ោងនេះ គឺជាចលនាបរិស្ថានពិភពលោកមួយ ដែលមានមនុស្សចូលរួមប្រហែល ៣៨០លាននាក់ នៅ១៥០ប្រទេសជុំវិញពិភពលោក ដោយពួកគេបានជុំគ្នាសម្អាត កន្លែងធ្វើការ គ្រឹះស្ថានសិក្សា និង ទីសាធារណៈ ក្នុងគោលដៅធ្វើឲ្យពិភពលោកស្អាតគ្មានសំរាម។
ដើម្បីឲ្យព្រឹត្តិការណ៍នេះក្លាយជាការចងចាំដ៏ល្អ និងសប្បាយរីករាយ កុំភ្លេចត្រៀមខ្លួនឲ្យបានល្អជាស្រេច និងបបួលមិត្តភក្តិទៅឲ្យបានច្រើនផងណា៎។
ចាប់អារម្មណ៍? អាចចុះឈ្មោះឥលូវនេះ នៅទីនេះ
ចំណុចសំខាន់ត្រូវត្រៀមដើម្បីចូលរួម World Clean Up Day 2018 មាន ៖
ត្រូវយកដបទឹក ឬ កំប៉ុងទឹកផ្ទាល់ខ្លួនមកប្រើ
ស្គាល់ផ្លូវដែលត្រូវរត់ឲ្យបានច្បាស់ជាមុនសិន
ស្រោមដៃ និងថង់ដាក់សំរាម
ត្រូវប្រុងប្រយ័ត្នពីសុវត្ថិភាពផ្ទាល់ខ្លួនដោយខ្លួនឯង៕