ភ្ញាក់ផ្អើល! ទិវាសម្អាតពិភពលោក ចាប់ផ្តើមភ្លាម កម្ពុជាមានអ្នកចូលរួមរាប់ម៉ឺននាក់ គួរឲ្យសរសើរ
- 2018-09-15 03:05:00
- ចំនួនមតិ 0 | ចំនួនចែករំលែក 0
ភ្ញាក់ផ្អើល! ទិវាសម្អាតពិភពលោក ចាប់ផ្តើមភ្លាម កម្ពុជាមានអ្នកចូលរួមរាប់ម៉ឺននាក់ គួរឲ្យសរសើរ
ចន្លោះមិនឃើញ
ព្រឹកនេះ មានប្រជាជនកម្ពុជារាប់ម៉ឺននាក់ បានចូលរួមសកម្មភាពរើសសំរាមតាមផ្លូវ ដើម្បីអបអរ ទិវាសម្អាតពិភពលោក ១៥ កញ្ញា។
ព្រឹត្តិការណ៍បរិស្ថានពិភពលោកនេះ រៀបចំជាលើកដំបូងនៅកម្ពុជា ក្នុងឆ្នាំ ២០១៨ ដោយក្រសួងបរិស្ថាន សហការជាមួយអង្គការ GoGreen Cambodia និង Let's Do It។
តាមទំព័រហ្វេសប៊ុក ផ្លូវការដែលមានឈ្មោះថា World Cleanup Day បានសរសេរថា យ៉ាងហោចណាស់ មនុស្សជាង ៣ម៉ឺននាក់ បានរួបរួមគ្នា ដើម្បីសំអាតបរិស្ថាន នៃប្រទេសដ៏មានតម្លៃរបស់ពួកគេ។ ទំព័រដដែលបានបន្តសរសេរថា សូមអរគុណ និងកោតសរសើរ ចំពោះប្រជាពលរដ្ឋ ដែលមានការយកចិត្តទុកដាក់ចំពោះបរិស្ថានរបស់ខ្លួន។
សូមបញ្ជាក់ថា នៅរាជធានីភ្នំពេញ មានការរៀបចំ ១១ចំណុច និងដងផ្លូវសំខាន់ៗ ដើម្បីឲ្យអ្នកចូលរួមអាចដើររើសសំរាម ក្នុងទិវាសម្អាតពិភពលោក។
ក្រៅពីនៅប្រទេសកម្ពុជា ទិវាសម្អាតពិភពលោកគឺជាចលនាពលរដ្ឋដ៏ធំបំផុត របស់ពិភពលោក ដែលមានអ្នកចូលរួមជាង ១៥០ ប្រទេសនិងអ្នកស្ម័គ្រចិត្តរាប់លាននាក់។