កប់! ៩សន្លឹកនេះ ល្មមឲ្យអ្នកចោលសម្រាមផ្តាសដឹងខ្លួន ក្រោយមើលសកម្មភាពអ្នកដើររើស មិនញញើតដៃ
- 2018-09-15 04:40:00
- ចំនួនមតិ 0 | ចំនួនចែករំលែក 0
កប់! ៩សន្លឹកនេះ ល្មមឲ្យអ្នកចោលសម្រាមផ្តាសដឹងខ្លួន ក្រោយមើលសកម្មភាពអ្នកដើររើស មិនញញើតដៃ
ចន្លោះមិនឃើញ
សាធារណជនជាតិ និងអន្តរជាតិ គ្រប់លំដាប់ថ្នាក់ កំពុងដើររើសសំរាមយ៉ាងសកម្មមិនញញើតញញើម ពេញតាមដងផ្លូវនានា ក្នុងរាជធានីភ្នំពេញ។ នេះដែលជាព្រឹត្តិការណ៍ដ៏ធំលើកទី១ នៃទិវាសម្អាតពិភពលោក ១៥ កញ្ញា ២០១៨។
ផ្ដើមពីការជួបជុំគ្នា នៅមុខក្រសួងបរិស្ថាន អ្នកចូលរួមទាំងអស់ បានបំបែកគ្នាទៅតាមចំណុចគោលដៅខុសគ្នា ១១ដើម្បីសម្អាតបរិស្ថានទីក្រុង។ អ្វីដែលគួរឲ្យចាប់អារម្មណ៍ អ្នកចូលរួមមកពីប្រភពចម្រុះគ្នា ដែលមានទាំងថ្នាក់ដឹកនាំតំណាងស្ថាប័នជាតិ និងអន្តរជាតិ បានធ្វើសកម្មភាពរួមគ្នា ដើររើសសំរាមមិនញញើតដៃ ក្នុងរូបភាពដ៏សកម្ម។ អ្នកខ្លះកាន់ស្បោងធំ ឯអ្នកខ្លះទៀតរើកកកាយ កាកសំណល់នានា។
សូមបញ្ជាក់ថា ទិវាសម្អាតពិភពលោក ថ្ងៃទី១៥ កញ្ញា ២០១៨ នេះ ដែលមានប្រជាជនប្រមាណ ៣៨០លាននាក់ នៃ១៥០ប្រទេស ស្មើនឹង៥% នៃប្រជាជនសរុប ទូទាំងពិភពលោក ធ្វើសកម្មភាពសម្អាតទីក្រុង កន្លែងធ្វើការ គ្រឹះស្ថានសិក្សា និង ទីសាធារណៈ ដែលក្នុងនោះក៏មានកម្ពុជាផងដែរ។
ឆ្នាំ២០១៨ ប្រទេសកម្ពុជាទើបបានរៀបចំ ទិវាអន្តរជាតិនេះលើកទី១ ស្របនឹងការប្រារព្ធទិវានេះ មានរយៈពេល ១០០ មកហើយចាប់តាំងពីការបង្កើតសាធារណរដ្ឋអេស្តូនី។
សូមទស្សនាកម្រងរូបភាពអ្នកចូលរួមកម្ពុជាព្រឹកនេះ ដើររើសសំរាមដ៏សកម្មគួរឲ្យភ្ញាក់ផ្អើល។