Sterling សុំឡើងប្រាក់អាទិត្យ១០ម៉ឺនផោនទៀត សម្រាប់កុងត្រាថ្មី

2018-09-15 07:25:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងពេលឆាប់ៗនេះ Manchester City នឹងបន្តចរចាជាមួយអ្នកតំណាងរបស់ Raheem Sterling ដើម្បីពង្រីកកុងត្រាថ្មី។ សម្រាប់ Sterling ផ្ទាល់ចង់បន្តនៅជាមួយក្លឹប ដែលទាមទារតំឡើងប្រាក់អាទិត្យបន្ថែម។

កុងត្រាចាស់របស់កីឡាករវ័យទើប២៣ឆ្នាំសល់២ឆ្នាំ ហើយគេចង់ឡើង១០ម៉ឺនផោនទៀត លើប្រាក់អាទិត្យ១៧,៥ម៉ឺនផោន ដែលគេទទួលបានក្នុងមួយសប្ដាហ៍។ ភាគគីទាំងពីរក្លឹបនិងកីឡាករនឹងធ្វើការចរចាគ្នានៅពេលខាងមុខសម្រាប់កុងត្រាថ្មី។ Sterling មិនទាន់ចង់ទៅណាចោល Man City ឡើយ ហើយការទាមទារនេះក៏មិនទាន់ឈានដល់កីឡាករដែលមានប្រាក់អាទិត្យច្រើនជាងគេក្នុងក្លឹបដែរ។

ក្នុងក្លឹបរហស្សនាមមេឃខៀវបច្ចុប្បន្ន De Bruyne ជាកីឡាករមានប្រាក់អាទិត្យច្រើនជាងគេ ៣៥ម៉ឺនផោនក្នុងមួយសប្ដាហ៍។ ទាក់ទិនរឿងនេះ Pep Guardiola បាននិយាយដែរថា ក្លឹបរីករាយជាមួយ Sterling និងចង់ឲ្យគេបន្តនៅ។ ក្លឹបក៏បានសួរលោកដើម្បីផ្ដល់គំនិតមួយចំនួន ហើយចំពោះរឿងផ្សេងៗទៀតត្រូវទាក់ទងទៅភ្នាក់ងាររបស់កីឡាករ៕