គ្រូ Juventus ថា Ronaldo នឹងស៊ុតចូលគ្រាប់ដំបូងយប់នេះ

2018-09-16 02:35:48
ចំនួនមតិ 0 | ចំនួនចែករំលែក 0

ចន្លោះមិនឃើញ

Massimiliano Allegri អ្នកចាត់ការទូទៅ Juventus បានបង្ហាញសុទិដ្ឋិនិយមថាតារាឆ្នើមរបស់លោកគឺ Cristiano Ronaldo នឹងអាចរកគ្រាប់ដំបូងឲ្យក្រុមនៅយប់នេះ។

ក្របខ័ណ្ឌលីគកំពូលអ៊ីតាលី ឬ Serie A បានកន្លងផុតទៅ៣ សប្ដាហ៍ហើយក្នុងនោះ Juventus លេងឈ្នះទាំង៣ប្រកួត តែ Ronaldo ដែលផ្ទេរពី Real Madrid ក្នុងតម្លៃជាង១០០លានអឺរ៉ូនៅមិនទាន់រកគ្រាប់បាល់បាន១គ្រាប់នៅឡើយទេ។

Juventus ត្រូវបើកទ្វារកីឡដ្ឋានរបស់ខ្លួនស្វាគមន៍ Sassuolo នៅម៉ោង៨យប់នេះហើយវាគឺជាប្រកួតដែល Allegri ជឿជាក់ថា Ronaldo នឹងរកគ្រាប់ដំបូងបាននៅលើទឹកដីអ៊ីតាលី។

“Cristiano ប្រឹងប្រែងហ្វឹកហាត់យ៉ាងខ្លាំង ហើយខ្ញុំគិតថាថ្ងៃអាទិត្យនេះ នឹងក្លាយជាថ្ងៃរបស់គេហើយ"។ បុរសវ័យ៥១ឆ្នាំនិយាយដូច្នេះ។ សួរពាក់ព័ន្ធនឹងពាន FIFA World Player លោក Allegri បន្តដូច្នេះ៖"ចំពោះពានកីឡាករឆ្នើមរបស់ពិភពលោកគឺ Ronaldo សក្ដិសមនឹងឈ្នះ បើទោះជា Modric មានគុណសម្បត្តិច្រើនក៏ដោយ៕