គេឆ្ងល់គ្រប់គ្នា ហេតុអ្វី Apple មិនប្រញាប់បញ្ចេញអាវុធសំខាន់ 5G លើ iPhone ម៉ូដែលថ្មី?

2018-09-17 01:01:17
ចំនួនមតិ 0 | ចំនួនចែករំលែក 0

ចន្លោះមិនឃើញ

Verizon នឹងបញ្ចេញសេវាកម្ម 5G Home Wireless Broadband នៅខែបន្ទាប់ ខណៈ Sprint និង LG មានបំណងចង់បញ្ចេញស្មាតហ្វូនដំបូងលើទីផ្សារប្រើបច្ចេកវិទ្យាជំនាន់ថ្មីនេះ។ ចុះម៉េចបានជា Apple ហាក់ស្ងាត់ស្ងៀមម៉្លេះចំពោះរឿងនេះ ឬចាំដល់ឆ្នាំ ២០២០។

លោក Lan Fogg ជាអ្នកវិភាគឲ្យ OpenSignal ដែលបានប្រមូល និងវិភាគទិន្នន័យពីបណ្ដាញទូរសព្ទជាច្រើន បានលើកឡើងថា បច្ចេកវិទ្យា 5G ហាក់មកលឿនជាងការរំពឹងទុកបន្តិច។

បច្ចេកវិទ្យា 5G នេះ ជួយបង្កើនល្បឿន និងមានសមត្ថភាពរាប់រង Device ជាច្រើនចូលប្រើប្រាស់ក្នុងពេលដំណាលគ្នា។

ជាងមួយទសវត្សកន្លងទៅ iPhone ចេញដំបូង ជាជំហានដ៏ធំមួយសម្រាប់ស្មាតហ្វូន មាន Touchscreen និងអាចប្រើ Browser បានពេញលក្ខណៈ រួមជាមួយមុខងារល្អៗថ្មីជាច្រើនទៀត។ លើកលែងតែមួយ គឺបណ្ដាញ Cellular យឺត។

នៅពេលនោះ មានទូរសព្ទជាច្រើនប្រើបណ្ដាញ 3G តែ Apple មិនខ្វល់ខ្វាយចាំរហូតដល់ផុត ១ឆ្នាំ ទើបមាន iPhone 3G ជំនាន់ទីពីរ។ iPhone បំពាក់បច្ចេកវិទ្យា 4G LTE ក្នុង iPhone 5 ឆ្នាំ ២០១៣ យឺតជាងពីរឆ្នាំ ក្រោយ Verizon បញ្ចេញស្មាតហ្វូន 4G ដំបូង។

ឆ្នាំមុន ពេលស្មាតហ្វូន Android បំពាក់ Gigabit LTE ក្រុមហ៊ុន Apple ចិត្តត្រជាក់បង្ហាញ iPhone X, 8 និង 8 Plus ជាមួយបច្ចេកវិទ្យាចាស់ដដែល។ ឆ្នាំនេះ iPhone XS, XS Max និង XR ទើបមានបំពាក់ប្រើ Gigabit LTE។

Intel ជាអ្នកផ្គត់ផ្គង់ Modem សម្រាប់ iPhone បញ្ជាក់ថា Modem 5G ត្រៀមខ្លួនរួចរាល់នៅពាក់កណ្តាលឆ្នាំ ២០១៩។

Apple បានរចនា Processor ផ្ទាល់ខ្លួន A12 Bionic Chip បំពាក់លើ iPhone XS, XS Max និង XR រួមទាំង មាន Chip Bluetooth កែច្នៃបង្កើនល្បឿនភ្ជាប់ទៅនឹង AirPod និងកាស Beat។

ការបង្កើត Modem មានការពិបាក ដូចនេះ Qualcomm បានចំណាយពេលរាប់សិបឆ្នាំក្នុងការផលិត ហើយក៏ជាហេតុផលមួយ Intel ជាប់គាំងជាច្រើនឆ្នាំ មុនយកឈ្នះជំនួញរបស់ Apple។ ប៉ុន្តែ Apple មានធនធានមនុស្សល្អជាច្រើន អាចហែលឆ្លងឧបសគ្គសំខាន់ៗ ដើម្បីចូមរួមផលិត Modem ឲ្យសមនឹងផលិតផលខ្លួន។ ដូចនេះ ទើប Apple អាចកែច្នៃអ្វីៗបានថ្មីទាន់កាលកំណត់៕