Kang Ji Young បង្ហោះរូបពោតផ្ទុះ ចង់ឌឺដងដាក់ Goo Hara?
- 2018-09-18 09:35:00
- ចំនួនមតិ 0 | ចំនួនចែករំលែក 0
Kang Ji Young បង្ហោះរូបពោតផ្ទុះ ចង់ឌឺដងដាក់ Goo Hara?
ចន្លោះមិនឃើញ
កាលពីពេលថ្មីៗនេះ ព័ត៌មានពាក់ព័ន្ធរឿងរ៉ាវអំពើហិង្សារវាងតារាចម្រៀង Goo Hara និងអតីតមិត្តប្រុសរបស់នាង កំពុងក្លាយជាប្រធានបទដ៏ក្ដៅគគុកលើបណ្ដាញសង្គមសារព័ត៌មាន។
ជាមួយនឹងរឿងរ៉ាវរបស់គូស្នេហ៍មួយគូនេះដែរ បច្ចុប្បន្នកំពុងទទួលការសាកសួរលម្អិតពីខាងប៉ុស្តិ៍ប៉ូលិស Gangnam ខណៈសាមីខ្លួននីមួយៗ កំពុងជជែកវែកញែកយកត្រូវរៀងៗខ្លួន។ អំឡុងពេល មហាជនជាច្រើនកំពុងតាមដានរឿងរ៉ាវរបស់តារាចម្រៀងស្រីរូបនេះ ស្រាប់តែសមាជិកក្រុម Kara មួយរូបទៀត បានធ្វើឲ្យគ្រប់គ្នាភ្ញាក់ផ្អើលជាមួយនឹងរូបមួយសន្លឹកដែលនាងបានបង្ហោះកាលពីពេលថ្មីៗនេះ។
តារាចម្រៀង Kang Ji Young បានបង្ហោះរូបភាព ឆ្នាំងចម្អិនពោតផ្ទុះលើ Story ក្នុងគណនី Instagram របស់នាង ក្រោយជម្លោះរវាងតារាចម្រៀង Goo Hara និងមិត្តប្រុសកំពុងទទួលបានការចាប់អារម្មណ៍ ដែលរូបភាពមួយសន្លឹកនេះដែរ ទទួលបានការមិនពេញចិត្តជាខ្លាំងពីសំណាក់អ្នកគាំទ្រក្រុម Kara។
បើទោះបីជារូបនេះមិនក្នុងន័យលក្ខណៈឌឺដងទៅសមាជិករួមក្រុមរបស់នាងយ៉ាងណានោះក៏ដោយ ប៉ុន្តែទង្វើរបស់នាង នៅតែធ្វើឲ្យគ្រប់គ្នាគិតថា នាងកំពុងតែពេញចិត្តតាមដានរឿងរ៉ាវជម្លោះរវាង Goo Hara និងអតីតមិត្តប្រុសរបស់នាងដដែល។ ជាមួយនឹងទង្វើបែបនេះ អ្នកគាំទ្រជាច្រើនបានដាក់ការសង្ស័យថា តារាចម្រៀង Kang Ji Young និង Goo Hara អាចមានរឿងមិនពេញចិត្តនឹងគ្នា៕