វីរបុរសបិសាចក្រហម ទទូចឲ្យ Pogba រៀនសូត្រពី Ronaldo
- 2018-09-18 11:19:42
- ចំនួនមតិ 0 | ចំនួនចែករំលែក 0
វីរបុរសបិសាចក្រហម ទទូចឲ្យ Pogba រៀនសូត្រពី Ronaldo
ចន្លោះមិនឃើញ
វីរបុរសក្លឹប Manchester United អតីតកីឡាករ Rio Ferdinand ក្នុងថ្ងៃនេះ បាននិយាយថា Paul Pogba គួរតែរៀនសូត្រពី Cristiano Ronaldo ទាក់ទងនឹងការឲ្យតម្លៃលើ "ផលិតផលសម្រេច" (ការស៊ុតបញ្ចូលទី និងការបញ្ជូនបាល់ឲ្យមិត្តរួមក្រុមស៊ុត) ជាជាងការលេងរបៀបឲ្យគេឯងស្ងើចសរសើរ។
Ferdinand បានថ្លែងប្រាប់សារព័ត៌មាន ESPN ថា នៅពេលដែល Ronaldo បានមកចូលរួមជាមួយ Manchester United ដំបូង កីឡាករព័រទុយហ្គាល់លេងញាក់ច្រើនណាស់ ធ្វើឲ្យអ្នកគាំទ្រជាច្រើនចូលចិត្តមែនទែន។ ទោះជាយ៉ាងណា នៅពេល Ronaldo ចាកចេញពីក្លឹបនៅឆ្នាំ ២០០៩ ហើយក្លាយជាកីឡាករល្អបំផុត លើលោក ខ្សែប្រយុទ្ធបានប្រែក្លាយខ្លួនទៅជាកីឡាករដែល "ស្លាប់រស់ដើម្បីផលិតផលសម្រេច" គឺការស៊ុតបញ្ចូលទី និងការបញ្ជូនបាល់ឲ្យមិត្តរួមក្រុមស៊ុត។
ក្នុងន័យនេះ Ferdinand ចង់ឃើញ Pogba រៀនសូត្រពី Ronaldo ទាក់ទិននឹងការឲ្យតម្លៃសំខាន់ទៅលើការរកគ្រាប់បាល់ និង Assist។ វីរបុរស Manchester United បានបន្តទៀតថា Pogba មានអត្តចរិត និងកាយវិការជាកីឡាករល្អបំផុតលើលោក។ ទោះជាយ៉ាងណា កីឡាករបារាំងត្រូវយកចិត្តហ្វឹកហាត់បន្ថែមទៀត។
សូមបញ្ជាក់ផងដែរថា តាំងពីត្រលប់មកចូលរួមជាមួយ Manchester United នៅឆ្នាំ ២០១៦ មក ជារឿយៗ ខ្សែបម្រើ Pogba តែងទទួលរងការរិះគន់រាល់ពេលក្រុមលេងមិនបានសូវបានលទ្ធផលល្អ។ ក្នុងប្រកួតខ្លះ កីឡាករត្រូវបានមជ្ឈដ្ឋានបាល់ទាត់មើលឃើញ ថាហាក់ចូលចិត្តលេងញាក់ និងកាន់បាល់រយៈពេលយូរ ដែលធ្វើឲ្យគូប្រកួតច្រើនឆាបយកបាល់បាន៕