ពាក្យ «ទមិឡ» មានន័យពីរយ៉ាង ន័យមួយសំដៅដល់ជាតិសាសន៍មួយក្រុមមានអាយុជាង២០០០ឆ្នាំ
- 2018-09-19 02:43:37
- ចំនួនមតិ 0 | ចំនួនចែករំលែក 0
ពាក្យ «ទមិឡ» មានន័យពីរយ៉ាង ន័យមួយសំដៅដល់ជាតិសាសន៍មួយក្រុមមានអាយុជាង២០០០ឆ្នាំ
ចន្លោះមិនឃើញ
កន្លងមកការប្រើប្រាស់ពាក្យ «ទមិឡ»ទាំងក្នុងការនិយាយ ឬសរសេរទំនងជាមិនសូវឃើញច្រើនអត្ថន័យរបស់ពាក្យនេះក្នុងន័យជានាមស័ព្ទនោះទេ តែឃើញមានច្រើនការប្រើប្រាស់ក្នុងន័យជាគុណនាម។
ពាក្យ «ទមិឡ» ក្នុងន័យជាគុណនាម តាមវចនានុក្រមសម្តេចព្រះសង្ឃរាជ ជូន ណាត មានន័យថាចិត្តកាច ឬកាចអាក្រក់ជាដើម។
ប៉ុន្តែ «ទមិឡ» មានន័យជានាមស័ព្ទថាជាក្រុមមនុស្សមួយក្រុមរស់នៅក្នុងប្រទេសឥណ្ឌា ហើយក្រុមមនុស្សនេះមិនកាច ឬស្លូតខុសពីជនជាតិដទៃនោះទេ។ នេះបើតាម វចនានុក្រមសម្តេចព្រះសង្ឃរាជ ជូន ណាតដដែល។
បើតាមលោក Milton Osborne បានសរសេរនៅក្នុងសៀវភៅប្រវត្តិសាស្ត្រអាស៊ីអាគ្នេយ៍របស់លោក ក៏មាននិយាយពីក្រុមជនជាតិនេះដែរដោយថាជាជនជាតិរស់នៅឥណ្ឌាភាគខាងត្បូង និងស្រីលង្កា។ ក្រុមជនជាតិនេះមានស្បែកខ្មៅ និងបានធ្វើអន្តោប្រវេសន៍មកបណ្តាប្រទេសនៅតំបន់អាស៊ីអាគ្នេយ៍ផងដែរ។
បើតាមឯកសាររបស់newworldencyclopedia.org «ទមិឡ» (Tamil)រស់នៅឧបទ្វីបឥណ្ឌាមានប្រវត្តិជាង២០០០ឆ្នាំ មកហើយ។ ក្រុមជនជាតិនេះរស់នៅភាគខាងត្បូងនៃប្រទេសឥណ្ឌា និងភាគខាងជើងនៃប្រទេសស្រីលង្កា។
បច្ចុប្បន្នជនជាតិនេះមានរស់នៅប្រទេសម៉ាឡេស៊ី សិង្ហបុរី កាណាដា អាមេរិក ញ៉ូហ្សេឡែន និងអូស្រ្តាលី ជាដើម ហើយគេប៉ានស្មានថាជនជាតិនេះមានប្រហែលជា៧៧លាននាក់នៅទូទាំងពិភពលោក៕