មើលមួយភ្លែតស្មានគេឃុំឃាំងមនុស្ស តាមពិតចាំទិញ iPhone XS សោះ! (វីដេអូ)
- 2018-09-20 06:50:50
- ចំនួនមតិ 0 | ចំនួនចែករំលែក 0
មើលមួយភ្លែតស្មានគេឃុំឃាំងមនុស្ស តាមពិតចាំទិញ iPhone XS សោះ! (វីដេអូ)
ចន្លោះមិនឃើញ
iPhone XS/XS Max នឹងមានលក់ក្នុងប្រទេសសិង្ហបុរីមុនគេបង្អស់ ដែលនឹងដាក់លក់ជាផ្លូវការនៅថ្ងៃសុក្រស្អែកនេះ វេលាម៉ោង ៩ ព្រឹក (ត្រូវនឹងម៉ោង ៨ ព្រឹក នៅកម្ពុជា)។ យ៉ាងណាក្ដីនៅថ្ងៃទី ២០ នេះគេចាប់ផ្ដើមឃើញមនុស្សម្នាយ៉ាងច្រើនកុះករមកអង្គុយចាំទិញ iPhone ជំនាន់ថ្មីនេះ នៅហាង Apple Store ដែលមានទីតាំងនៅផ្លូវ Orchard Road ប្រទេសសិង្ហបុរី។
ខាងក្រោមនេះជាទិដ្ឋភាពទូទៅនៃការរង់ចាំ ដែលក្រឡេកមួយភ្លែតស្មានតែជាកន្លែងបង្ខាំងមនុស្សទុក ៖
គេសង្កេតឃើញថាអ្នកដែលអង្គុយរង់ចាំនេះ មានខ្លះបានវេចសម្ពាយយ៉ាងធំមកជាមួយ ដែលទំនងជាមានទុកដាក់នូវសម្ភារៈសម្រាប់ប្រើប្រាស់ដើម្បីរង់ចាំទិញ iPhone ជំនាន់ថ្មីឲ្យបានមុនគេ។ គួរដឹងថា iPhone XS លក់នៅសិង្ហបុរីមានតម្លៃចាប់ពី ១ ៦៤៩ ដុល្លារសិង្ហបុរី (ប្រមាណ ១ ២០៤ ដុល្លារ) និង XS Max តម្លៃចាប់ពី ១ ៧៩៩ ដុល្លារសិង្ហបុរី (ប្រមាណ ១ ៣១៤ ដុល្លារ)៕