ឪពុក Dongho ទទួលស្គាល់ថា កូនប្រុសរបស់លោក ពិតជាបានលែងលះប្រពន្ធមែន

2018-09-20 09:16:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ឪពុកបង្កើតរបស់អតីតតារាចម្រៀង Dongho បានទទួលស្គាល់ថា កូនប្រុសរបស់លោក ពិតជាបានលែងលះជាមួយប្រពន្ធមែន ក្រោយរួមរស់ជាមួយគ្នាអស់ពេល ៣ ឆ្នាំមកនេះ។

ក្រោយសារព័ត៌មានជាច្រើនបានចុះផ្សាយពីដំណឹងលែងលះគ្នារបស់អតីតតារាចម្រៀង Dongho នៅថ្ងៃទី ២០ ខែកញ្ញានេះ ឪពុករបស់ Dj រូបនេះ លោក Shin Sung Chul បានទទួលស្គាល់ និងប្រកាសប្រាប់បណ្ដាញសារព័ត៌មានថា ពួកគេពិតជាបានលែងលះគ្នាមែន។

លោកបានបញ្ជាក់ថា៖ "ដំណើរការនៃការចុះលិខិតលែងលះគឺត្រូវបានរៀបចំរួចរាល់អស់ហើយ។ ពួកគេបានសម្រេចចិត្តចែកផ្លូវគ្នា ដោយសារតែអត្តចរិតពួកគេខុសគ្នា។ ខ្ញុំមានអារម្មណ៍មិនល្អទេចំពោះរឿងនេះ ប៉ុន្តែខ្ញុំអាចធ្វើអីបាន។ ខ្ញុំហាក់ខកចិត្តដែរ ប៉ុន្តែគិតថាឱកាសល្អនឹងកើតមានឡើង ខណៈពួកគេនៅបន្តរស់នៅបែបនេះ"។

ឪពុករបស់អតីតសមាជិកក្រុម U-KISS រូបនេះបានបន្តទៀតថា៖ "ថ្មីៗ ដោយសារយើងនឹកចៅប្រុសរបស់យើង ដូច្នេះហើយ នាងបាននាំគេមកផ្ទះយើងបានមួយរយៈដែរ។ ពួកគេទាំង២នឹងទទួលខុសត្រូវចិញ្ចឹមកូនមួយនេះជាមួយគ្នា។ យើងគិតថា វាល្អជាង ប្រសិនបើកូននៅជាមួយម្ដាយគេ ដូច្នេះយើងក៏សម្រេចឲ្យទៅខាងម្ដាយទៅ"។