រកឃើញហើយ ព្រលានយន្តហោះមមាញឹកបំផុត នៅលើពិភពលោក
- 2018-09-21 03:44:33
- ចំនួនមតិ 0 | ចំនួនចែករំលែក 0
រកឃើញហើយ ព្រលានយន្តហោះមមាញឹកបំផុត នៅលើពិភពលោក
ចន្លោះមិនឃើញ
អ្នកដំណើរប្រមាណជា ១០៤លាននាក់ បានឆ្លងកាត់ព្រលានយន្តហោះអន្តរជាតិ Hartsfield-Jackson Atlanta International Airport នៅក្នុងឆ្នាំ២០១៧ ធ្វើឲ្យវាក្លាយជាព្រលានយន្តហោះដ៏មមាញឹកបំផុតនៅលើពិភពលោក។ នេះបើយោងតាមទិន្នន័យការធ្វើដំណើរឆ្នាំ២០១៧ ដែលចេញផ្សាយកាលពីថ្ងៃព្រហស្បតិ៍ ដោយក្រុមប្រឹក្សាអាកាសយានដ្ឋានអន្តរជាតិ Airports Council International។
ជាមួយគ្នានេះ នៅទូទាំងពិភពលោកមានការកើនឡើងគួរឲ្យកត់សំគាល់ នូវចំនួនអ្នកដំណើរ , ចរាចរណ៍ទំនិញតាមផ្លូវអាកាស និងការហោះហើរសរុបរបស់យន្តហោះ។
ក្នុងនោះដែរ អ្នកដំណើរទូទាំងពិភពលោកបានកើនឡើង ៧,៥ភាគរយ សរុប ៨,៣ពាន់លាននាក់នៅឆ្នាំ ២០១៧ ដែលជាកំណើនដ៏ខ្លាំងក្លាមួយក្នុងកំណត់ត្រា។ ចំណែកឯចំនួនអ្នកដំណើរអន្តរជាតិបានកើនឡើង ៨,៦ភាគរយនៅទូទាំងពិភពលោក ខណៈចរាចរណ៍ទំនិញទូទាំងពិភពលោកបានកើនឡើង ៧,៧ភាគរយ។
គួរបញ្ជាក់ឲ្យដឹងថា ទិន្នន័យរបស់ Airports Council International ឬ ACI សម្រាប់របាយការណ៍ World Airport Traffic Report ប្រចាំឆ្នាំ ត្រូវបានដកស្រង់ចេញពីព្រលានយន្តហោះជាង ២ ៥០០កន្លែងនៅក្នុងប្រទេសចំនួន ១៧៥៕
ខាងក្រោមនេះគឺជាព្រលានយន្តហោះមមាញឹកបំផុតទាំង ២០ នៅលើពិភពលោក ប្រចាំឆ្នាំ២០១៧៖
#១ ព្រលានយន្តហោះ Hartsfield-Jackson Atlanta International Airport (សហរដ្ឋអាមេរិក) មានអ្នកដំណើរឆ្លងកាត់ ១០៤ លាននាក់
#២ ព្រលានយន្តហោះ Beijing Capital International Airport (ចិន) មានអ្នកដំណើរឆ្លងកាត់ ៩៦ លាននាក់
#៣ ព្រលានយន្តហោះ Dubai International Airport (អារ៉ាប់រួម) មានអ្នកដំណើរឆ្លងកាត់ ៨៨ លាននាក់
#៤ ព្រលានយន្តហោះ Tokyo Haneda International Airport (ជប៉ុន) មានអ្នកដំណើរឆ្លងកាត់ ៨៥ លាននាក់
#៥ ព្រលានយន្តហោះ Los Angeles International Airport (សហរដ្ឋអាមេរិក) មានអ្នកដំណើរឆ្លងកាត់ ៨៤,៦ លាននាក់
#៦ ព្រលានយន្តហោះ Chicago's O'Hare International Airport (សហរដ្ឋអាមេរិក) មានអ្នកដំណើរឆ្លងកាត់ ៨០ លាននាក់
#៧ ព្រលានយន្តហោះ London Heathrow Airport (ចក្រភពអង់គ្លេស) មានអ្នកដំណើរឆ្លងកាត់ ៧៨ លាននាក់
#៨ ព្រលានយន្តហោះ Hong Kong International Airport (ចិន) មានអ្នកដំណើរឆ្លងកាត់ ៧៣ លាននាក់
#៩ ព្រលានយន្តហោះ Shanghai Pudong International Airport (ចិន) មានអ្នកដំណើរឆ្លងកាត់ ៧០ លាននាក់
#១០ ព្រលានយន្តហោះ Aéroport de Paris-Charles de Gaulle (បារាំង) មានអ្នកដំណើរឆ្លងកាត់ ៦៩ លាននាក់
#១១ ព្រលានយន្តហោះ Amsterdam Airport Schiphol (ហុល្លង់) មានអ្នកដំណើរឆ្លងកាត់ ៦៨,៥ លាននាក់
#១២ ព្រលានយន្តហោះ Dallas/Fort Worth International Airport (សហរដ្ឋអាមេរិក) មានអ្នកដំណើរឆ្លងកាត់ ៦៧ លាននាក់
#១៣ ព្រលានយន្តហោះ Guangzhou Bai Yun International Airport (ចិន) មានអ្នកដំណើរឆ្លងកាត់ ៦៦ លាននាក់
#១៤ ព្រលានយន្តហោះ Frankfurt Am Main Airport (អាល្លឺម៉ង់) មានអ្នកដំណើរឆ្លងកាត់ ៦៤,៥ លាននាក់
#១៥ ព្រលានយន្តហោះ Atatürk International Airport (ទួរគី) មានអ្នកដំណើរឆ្លងកាត់ ៦៤ លាននាក់
#១៦ ព្រលានយន្តហោះ Indira Gandhi International Airport (ឥណ្ឌា) មានអ្នកដំណើរឆ្លងកាត់ ៦៣,៥ លាននាក់
#១៧ ព្រលានយន្តហោះ Soekarno-Hatta International Airport (ឥណ្ឌូនេស៊ី) មានអ្នកដំណើរឆ្លងកាត់ ៦៣ លាននាក់
#១៨ ព្រលានយន្តហោះ Singapore Changi Airport (សិង្ហបុរី) មានអ្នកដំណើរឆ្លងកាត់ ៦២,២២ លាននាក់
#១៩ ព្រលានយន្តហោះ Incheon International Airport (កូរ៉េខាងត្បូង) មានអ្នកដំណើរឆ្លងកាត់ ៦២,១៦ លាននាក់
#២០ ព្រលានយន្តហោះ Denver International Airport (សហរដ្ឋអាមេរិក) មានអ្នកដំណើរឆ្លងកាត់ ៦១ លាននាក់
ចុចអាន៖