មានទឹក មានគោក ម្ហូប៦មុខនេះ ទុកទៅភ្ជុំ ចាយតិច ស្រួលចម្អិន សូមធ្វើបុណ្យដោយជ្រះថ្លា
- 2018-09-21 05:30:00
- ចំនួនមតិ 0 | ចំនួនចែករំលែក 0
មានទឹក មានគោក ម្ហូប៦មុខនេះ ទុកទៅភ្ជុំ ចាយតិច ស្រួលចម្អិន សូមធ្វើបុណ្យដោយជ្រះថ្លា
ចន្លោះមិនឃើញ
ភ្ជុំបិណ្ឌ គឺជាពិធីបុណ្យសាសនា ដ៏ធំ១របស់ជនជាតិខ្មែរ។ នៅសល់តែ២ថ្ងៃទៀត គឺដល់វេលា ថ្ងៃកាន់បិណ្ឌ១ គឺគិតចាប់ពីថ្ងៃចន្ទ ទី២៤ ខែកញ្ញា សប្ដាហ៍ក្រោយតទៅ។ សម្រាប់បងប្អូនដែលជ្រះថ្លានឹងព្រះពុទ្ធសាសនា ប្រាកដជាត្រៀមចិត្ត ត្រៀមកាយ រួចជាស្រេច ដើម្បីចូលរួម មានដូចជាថវិកា និងមុខម្ហូប សម្រិតសម្រាំងត្រៀមជាចង្ហាន់។
ដើម្បីជួយជាគំនិត នៃការរកមុខម្ហូប និងសម្រួលដល់ការចំណាយ ចុងភៅ១រូប បានចែករំលែក មុខម្ហូបចំនួន ៦មុខ ដ៏ពេញនិយម ងាយស្រួលចម្អិន ដើម្បីយកទៅវត្តប្រគេនព្រះសង្ឃ និងអាចទុកបរិភោគក្នុងគ្រួសារយ៉ាងឆ្ងាញ់ពិសា។ អ្វីដែលពិសេស គឺម្ហូបទាំងនោះ អាចរក្សាទុកបានយូរ មិនងាយផ្អូម រីឯចំណាយក៏មិនអស់ច្រើន។
លោកស្រីនេះ សៅ សុផាត វ័យ៤០ឆ្នាំ មានរបរមេចុងភៅ នៅភោជនីយដ្ឋាន១ រយៈពេលជា ៣ឆ្នាំ នៅរាជធានីភ្នំពេញ បានចែករំលែកមកកាន់ Sabayថា មុខម្ហូបចោលមិនបាន ដែលប្រជាពលរដ្ឋខ្មែរ និយមធ្វើជាចង្ហាន់ទៅវត្ត នារដូវភ្ជុំភាគច្រើនគឺសម្លការី តែម្ដង ដែលយើងទទួលស្គាល់ថា ជាម្ហូបដ៏ពិបាកចម្អិន ចាយពេលធ្វើយូរ និងលុយគ្រឿងផ្សំក៏ច្រើន។
ជាមធ្យមសម្លការី ១ឆ្នាំងតូចល្មម សម្រាប់ញ៉ាំ ៤ ទៅ៥នាក់ យ៉ាងហោចណាស់ក៏ត្រូវចំណាយខ្ទង់ ១០ ទៅ១៥ម៉ឺន ហើយរយៈពេលធ្វើ៤ ទៅ៥ម៉ោងដែរ។
ប្រសិនបើ លោកអ្នក មិនសូវមានពេលវេលាច្រើន ហើយចង់ចំណាយអស់តិច អាចងាកសាកមុខម្ហូបទាំង៦មុខនេះ ដូចខាងក្រោមនេះ
១. ស្ងោរជ្រក់សាច់មាន់ ឬត្រី
ចំណាយថវិកាទិញគ្រឿងផ្សំអស់ប្រហែល ២៥០០០រៀល និងប្រើពេលវេលាចម្អិន ៣០នាទី
២. ឆាជូរអែម ឆ្អឹងជំនី
ចំណាយថវិកាទិញគ្រឿងផ្សំ អស់ប្រហែល ១៥០០០រៀល និងប្រើពេលវេលាចម្អិន ៣០នាទី
៣. ប្រហិតត្រីបំពង ជ្រលក់ទឹកម្ទេស
ចំណាយថវិកាទិញគ្រឿងផ្សំ អស់ប្រហែល ២០០០០រៀល និងប្រើពេលវេលាចម្អិន ១ម៉ោង
៤. ប្រហុកចិញ្ច្រាំសាច់ជ្រូក ចំហុយ
ចំណាយថវិកាទិញគ្រឿងផ្សំ អស់ប្រហែល ២០០០០រៀល និងប្រើពេលវេលាចម្អិន ១ម៉ោង
៥. ឆាបន្លែ លាយប្រេងខ្យង
ចំណាយថវិកាទិញគ្រឿងផ្សំ អស់ប្រហែល ១០០០០រៀល និងប្រើពេលវេលាចម្អិន ៣០នាទី
៦. ភ្លាសាច់គោ
ចំណាយថវិកាទិញគ្រឿងផ្សំ អស់ប្រហែល ២០០០០រៀល និងប្រើពេលវេលាចម្អិន ៣០នាទី