រំភើបជំនួស ព្រាប សុវត្ថិ ក្រោយឮសម្ដីតារាចម្រៀងថៃ James Ruangsak
- 2018-09-21 10:18:04
- ចំនួនមតិ 0 | ចំនួនចែករំលែក 0
រំភើបជំនួស ព្រាប សុវត្ថិ ក្រោយឮសម្ដីតារាចម្រៀងថៃ James Ruangsak
ចន្លោះមិនឃើញ
មិនត្រឹមជាតារាល្បីក្នុងដួងចិត្តអ្នកគាំទ្រនៅកម្ពុជា លោក ព្រាប សុវត្ថិ ក៏ត្រូវបានតារាថៃ លោក James Ruangsak បង្ហើបថា កំពូលតារាចម្រៀងរូបនេះ ក៏ជា Idol របស់លោកផងដែរ។
តារាចម្រៀងល្បីល្បាញប្រចាំប្រទេសថៃដដែល បន្តថា មូលហេតុ ព្រោះ លោក ព្រាប សុវត្ថិ ជាកំពូលតារាចម្រៀងម្នាក់ ដែលតែងលេចមុខ ឈរឈ្មោះជាអ្នកតំណាងឲ្យក្រុមហ៊ុនល្បីៗជាច្រើន ។ ហេតុនេះធ្វើឲ្យកេរ្តិ៍ឈ្មោះលោក ព្រាប សុវត្ថិ កាន់តែល្បីសុសសាយ ហើយសូម្បីតែលោក James ក៏ស្គាល់និងចាត់ទុកជា តារាសំណព្វចិត្តរបស់លោកម្នាក់ផងដែរ។
តារាចម្រៀងអាយុ ៤០ឆ្នាំរូបនេះ មានបទចម្រៀងជាច្រើនដែលមិនត្រឹមល្បីនៅប្រទេសថៃទេ តែបទមួយចំនួនក៏បានល្បីមកដល់កម្ពុជា ហើយប្រជាជនកម្ពុជាចេះច្រៀងផងដែរ។ លោកប្រាប់ថា មិនមែនជាលើកទីមួយឡើយ ដែលលោកមានវត្តមានលើទឹកដីកម្ពុជា ។
ចំពោះចំណុចដែលធ្វើឲ្យទាក់ចិត្តខ្លាំងបំផុតសម្រាប់លោកពេលមកកម្ពុជាម្ដងៗ គឺភាពរួសរាយរាក់ទាក់របស់ប្រជាជនខ្មែរ ដែលធ្វើឲ្យលោកមានភាពកក់ក្ដៅយ៉ាងខ្លាំង៕