ម៉ាឡេស៊ី ចេញច្បាប់ហាមឃាត់ ការប្រើបំពង់បឺតប្លាស្ទិក ចាប់ពីឆ្នាំក្រោយតទៅ
- 2018-09-22 03:55:41
- ចំនួនមតិ 0 | ចំនួនចែករំលែក 0
ម៉ាឡេស៊ី ចេញច្បាប់ហាមឃាត់ ការប្រើបំពង់បឺតប្លាស្ទិក ចាប់ពីឆ្នាំក្រោយតទៅ
ចន្លោះមិនឃើញ
បំពង់បឺតប្លាស្ទិក នឹងត្រូវបានហាមឃាត់ មិនឲ្យប្រើប្រាស់តទៅទៀតឡើយ នៅក្នុងទីក្រុង Kuala Lumpur , Putrajaya និង Labuan នៃប្រទេសម៉ាឡេស៊ី ចាប់ពីថ្ងៃទី០១ ខែមករា ឆ្នាំ២០១៩ ខាងមុខនេះ។
លោក Datuk Seri Adnan Mohd Ikhsan អគ្គលេខាធិការក្រសួង បានថ្លែងថា ម្ចាស់អាជីវកម្មដែលនៅតែប្រើបំពង់បឺតប្លាស្ទិកនៅឆ្នាំ ២០១៩ អាចប្រឈមនឹងការបាត់បង់អាជ្ញាប័ណ្ណអាជីវកម្មរបស់ខ្លួន។
មិនតែប៉ុណ្ណោះ លោក Ikhsan បានឲ្យដឹងទៀតថា ម្ចាស់អាជីវកម្មអាចនឹងត្រូវទទួលការផាកពិន័យ , បាត់បង់ប្រាក់បញ្ញើរបស់ពួកគេ , ត្រូវរឹបអូសទំនិញ ឬ ត្រូវជាប់គុកផងដែរ។
គួរបញ្ជាក់ឲ្យដឹងថា ការហាមប្រាមលើបំពង់បឺតប្លាស្ទិកនេះ គឺបន្ថែមលើការហាមប្រាមថង់ប្លាស្ទិក និង កញ្ចប់វិចខ្ចប់អាហារផលិតឡើងពីជ័រប្លាស្ទិក ដែលបានចាប់ផ្ដើមកាលពីខែកញ្ញា ឆ្នាំ២០១៧។
លោក Ikhsan បានសង្កត់ធ្ងន់ថា «អាជ្ញាធរមូលដ្ឋាន នឹងមិនស្ទាក់ស្ទើរឡើយ ក្នុងការចាត់វិធានការតាមផ្លូវច្បាប់»៕
ចុចអាន៖