PSG ចាយលុយជិត ៩០០ លានដុល្លារក្នុងរយៈពេល៨ឆ្នាំ តែនេះជាអ្វីដែលក្លឹបគួរទទួលបានឬ?

2018-09-23 03:42:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ទឹកប្រាក់ ៧៥០ លានអឺរ៉ូ (ប្រហែល ៨៨៣ លានដុល្លារ) ត្រូវបានចំណាយក្នុងរយៈពេល៨ឆ្នាំ តើនេះជាអ្វីដែល PSG គួរទទួលបានឬ?

Paris Saint-Germain ធ្លាប់ត្រូវបាន Real Madrid ទម្លាក់នៅវគ្គ១៦ក្រុមក្របខ័ណ្ឌ Champions League កាលពីរដូវកាលមុន។ ជាថ្មីម្តងទៀត ក្លឹបអ្នកមានរបស់ព្រះចៅកាតានេះត្រូវបានហង្សក្រហម ចាក់ឲ្យរបួសចាស់រើឡើងវិញក្រោយចាញ់ Liverpool ៣-២ ក្រៅដី។

ខាងក្រោមនេះជាហេតុផលចម្បងៗ ដែលស្ដេចត្រាញ់នៅលីគកំពូលបារាំងពិបាកប្រកួតប្រជែងនៅទ្វីបអឺរ៉ុប៖

១ លីគក្នុងស្រុកមិនសូវមានការប្រកួតប្រជែងខ្លាំង

Ligue 1 មានក្លឹបចំនួន ២០ ប៉ុន្តែមានតែក្រុម Lyon និង AS Monaco ប៉ុណ្ណោះដែលអាចប្រកួតប្រជែងយកពានរង្វាន់ក្នុងស្រុក ធ្វើឲ្យ PSG លេង ៣៤ ប្រកួតជាមួយក្រុមខ្សោយ ឈ្នះដោយមិនសូវប្រឹង ពោលគឺគ្មានកីឡាករណាអាចប្រជែងជាមួយ Mbappe ឬ Neymar បានឡើយ។

នៅ Barcelona តារាឆ្នើម Neymar មានការប្រកួតប្រជែងខ្លាំង។ មានជំនួបយក្ស El Clasico ទល់នឹង Real Madrid ក្រៅពីនោះក៏មានការប្រកួតដ៏តានតឹងទល់នឹង Atletico Madrid, Sevilla, Villarreal និង Valencia ជាដើម។ កាលពីរដូវកាលមុនក្រុមមិនដែលស្គាល់ពាក្យថាចាញ់ Barcelona ក៏ត្រូវបានក្រុមពាក់កណ្តាលតារាងលត់ឲ្យស្គាល់ពាក្យបរាជ័យក្នុងលីគផងដែរ ហើយនេះមិននិយាយដល់ Premier League ដែលជាក្របខ័ណ្ឌបាល់ទាត់មានការប្រកួតប្រជែងស្វិតស្វាញបំផុតស្ទើរគ្រប់ក្លឹប។

២ ចាយលុយមិនប្រាកដថាតែងតែឈ្នះឡើយ

គ្មានលុយ ជ័យជម្នះមិនអាចទៅរួចឡើយ ប៉ុន្តែ ទ្រព្យសម្បត្តិក៏មិនអាចធានាថាឈ្នះដែរ សម្រាប់បាល់ទាត់សម័យទំនើប។

មានក្លឹបជាច្រើនដែលបានព្យាយាមទិញខ្សែប្រយុទ្ធរបស់ពួកគេ ដើម្បីចង់ឈ្នះពានរង្វាន់ក្របខ័ណ្ឌ Champions League បើមិនជឿ អាចសួរ Man City ឬ PSG បាន។ មិនមែនតែ PSG ឡើយដែលចាយលុយ តែមិនជោគជ័យ។

ក្រុមយក្សអ៊ីតាលី Napoli កាលពីឆ្នាំ ១៩៨០ និង ដើមទសវត្សរ៍ទី ៩០ ដែលចង់ឈ្នះ Champions League ក៏ធ្លាប់បានយកកំពូលកីឡាករ Diego Maradona និង តារាឆ្នើមសញ្ជាតិប្រេស៊ីល Careca និង Alemao។ ដូចគ្នាផងដែរ ក្រុមខ្លាំង Serie A ក្លឹប AS Roma មានបំណងចង់ឈ្នះពាននេះដែរ ដែលកាលពីអតីតកាលបាននាំយកកំពូលកីឡាករ Gabriel Batistuta សញ្ជាតិអាហ្សង់ទីន។ ក្រោយមក Arsenal នៅក្នុងយុគមាសរបស់ខ្លួនជាមួយកីឡាករ Thierry Henry។ ប៉ុន្តែក្លឹបទាំងនោះមិនជោគជ័យបានលើកពាន Champions League ដូចបំណងឡើយ។

៣ ក្លឹបផ្សេងក៏កាន់តែខ្លាំងឡើងដែរ

ទោះបីជាគ្មាន Neymar ក៏ដោយក៏ក្លឹប Barcelona នៅតែជាក្រុមខ្លាំង។ Liverpool ដែលទើបបំបាក់ PSG ជាឧទាហរណ៍ជាក់ស្តែងបង្ហាញថា ហង្សក្រហមនាពេលបច្ចុប្បន្នក៏ស្ថិតក្នុងបញ្ជីក្រុមដ៏គ្រោះថ្នាក់នៅទ្វីបអឺរ៉ុប។ Alexander-Arnold តែម្នាក់ឯងអាចរារាំង Mbappe និង Neymar មិនត្រឹមតែប៉ុណ្ណោះ ខ្សែការពារវ័យក្មេងដែលកើតចេញពីថ្នាលយុវជនរបស់ក្លឹប Liverpool តែងបង្កើតឱកាសឲ្យ Liverpool រកគ្រាប់បាល់លើ PSG។ នេះមិនរាប់ដល់ Real Madrid, Juventus, Atletico Madrid, Man City និង ក្លឹបខ្លាំងៗផ្សេងទៀតផង។

៤ PSG គឺជាអ្វី?

ពីរដូវកាលមួយទៅរដូវកាលមួយ សំណួរទាក់ទងនឹងថា “PSG គឺជាអ្វី?” ពិតជាមានសារសំខាន់ណាស់។ PSG ជាគម្រោងចៃដន្យសម្រាប់ Neymar? ជាមធ្យោបាយទីផ្សាររបស់ Nike? ជាប្រជាប្រិយការទូតរបស់កាតា? សរុបមក តើ PSG មិនមែនជាក្លឹបបាល់ទាត់ទេឬ?

ប្រភព៖ theguardian | fangnapost ប្រែសម្រួល៖ សុខ លាងហ៊ត

ពាក្យទាក់ទង

Gadget

អត្ថបទពេញនិយម

ខេត្តដែលទទួលបានភ្ញៀវទេសចរច្រើនជាងគេ និងតិចជាងគេបង្អស់ក្នុងឱកាសចូលឆ្នាំខ្មែរ

ចេញហើយ តម្លៃរថយន្ត Toyota Camry 2025 នៅទីផ្សារអាមេរិក! ទាបបំផុត ២ម៉ឺន ៨ពាន់ដុល្លារ

ដោយសារភ្លៀងសិប្បនិម្មិត Cloud Seeding ឬ ទើបធ្វើឱ្យឌូបៃ ជួបប្រទះគ្រោះទឹកជំនន់ធ្ងន់ធ្ងរបំផុត?

លក្ខខណ្ឌទាំងនេះ ត្រូវបានអតីតតារាសម្ដែង ម៉ៅ ចំណាន បំពេញគ្រប់ សម្រាប់បេក្ខភាពប្រធានសមាគម

Bayer Leverkusen ឈ្នះពានលីគអាល្លឺម៉ង់ បំបាក់ជើងឯកឆ្នាំចាស់ Bayern Munich

ភ្ញាក់ផ្អើលចំនួនភ្ញៀវទេសចរទៅលេងកំពត អំឡុងចូលឆ្នាំ៤ថ្ងៃ ក្រោយមានរូបសេះសមុទ្របាញ់ទឹក

អត្ថបទថ្មី

ក្លឹបអង់គ្លេសធ្លាក់ចេញពី UCL ទោះជាវគ្គ Final ប្រព្រឹត្តិទៅនៅរាជធានីឡុងដុងក្ដី

មកដឹងកាលបរិច្ឆេទប្រកួត Semi Final កម្មវិធី Champions League

ចូលឆ្នាំថ្មី អតិថិជន ក្រុមហ៊ុន វឌ្ឍនៈ ឈ្នះរង្វាន់ជាច្រើន! ឈ្នះលុយ ឈ្នះមាស ឡាន ម៉ូតូ និងឈ្នះរង្វាន់ធំៗផ្សេងទៀត

Ronaldo ឈ្នះ Juventus រឿងក្ដីក្ដាំពាក់ព័ន្ធរឿងមិនបើកប្រាក់ឈ្នួលរាប់លានដុល្លារ

ប្រាសាទ ដាវីន បង្ហាញជំហរច្បាស់លាស់ ប្រសិនមានឱកាសតំណាងកម្ពុជាលើឆាកអន្តរជាតិម្តងទៀត