ស្រាយចម្ងល់រឿង ផល សោភ័ណ្ឌ វ៉ៃត្រូវកន្លែងណាទើបថៃសន្លប់?

2018-09-24 02:44:26
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកទស្សនាគុនខ្មែរជាច្រើនបានឆ្ងល់ពីការសន្លប់របស់កីឡាករថៃ Bukjoh Sor. Anucha កាលពីយប់មិញនៅសង្វៀនបាយ័នស្ទឹងមានជ័យក្នុងការប្រកួតជាមួយជើងខ្លាំងគុនខ្មែរ ផល សោភ័ណ្ឌ ដែលដំណើរការបានតែ២ទឹកប៉ុណ្ណោះ។

ផល សោភ័ណ្ឌ ទទួលបានជ័យជម្នះ

ជើងខ្លាំងគុនខ្មែរ ផល សោភ័ណ្ឌ បានប្រាប់ខ្លីថា តាមពិតរូបគេពិតជាបានវ៉ៃកែងស្តាំត្រូវលើថ្ងាសរបស់កីឡាករថៃ Bukjoh Sor. Anucha មែន ប៉ុន្តែពេលនោះ កីឡាករថៃមិនទាន់ដួលភ្លាមៗទេ ហើយកែងរបស់ខ្លួនបានអូសរហូតដល់ស្មារបស់កីឡាករថៃ ស្របពេលដែលរូបភាពវីដេអូចាប់បានច្បាស់កន្លែងស្មាហ្នឹងទើបបានជាអ្នកខ្លះមើលមិនទាន់ ហើយមិនឃើញថា រូបគេវ៉ៃត្រូវ។

សោភ័ណ្ឌ បញ្ជាក់ថា ការវ៉ៃកែងរបស់ខ្លួនពេលនោះលឿន និងធ្ងន់ ចំលើថ្ងាសរបស់កីឡាករថៃរហូតធ្វើឲ្យកែងរបស់ខ្លួនឈឺទៀតផង។

ផល សោភ័ណ្ឌ ផ្ដួលជើងខ្លាំងថៃ Bukjoh Sor. Anucha ឲ្យសន្លប់នៅទឹកទី២ មិនអាចបន្តការប្រកួតបាននាជំនួបមិត្តភាពអន្តរជាតិរបស់សង្វៀនបាយ័នស្ទឹងមានជ័យ ហើយនេះជាលើកទី២ដែលកីឡាករថៃម្នាក់នេះសន្លប់ក្រោមស្នាដៃរបស់ សោភ័ណ្ឌ។ ចំណែកគូមិត្តភាពអន្តរជាតិមួយទៀតគឺ ឡៅ ចន្រ្ទា ឈ្នះពិន្ទុថៃ កាំឡៃផេត ៕

វីដេអូប្រកួត៖