លេចរឿង Zidane ទូរសព្ទទៅ Mourinho ទាក់ទងនឹងការងារនៅ Man Utd
- 2018-10-01 03:32:10
- ចំនួនមតិ 0 | ចំនួនចែករំលែក 0
លេចរឿង Zidane ទូរសព្ទទៅ Mourinho ទាក់ទងនឹងការងារនៅ Man Utd
ចន្លោះមិនឃើញ
Zinedine Zidan ត្រូវបានគេរាយការណ៍បានទូរសព្ទទៅកាន់លោក Jose Mourinho ដើម្បីប្រាប់ថាលោកមិនទាន់មានគម្រោងចូលជំនួសកន្លែងនៅ Man Utd ទេ។
អតីតវីរបុរសរបស់បារាំងត្រូវបានគេរំពឹងនឹងអាចចូលកាន់តំណែងនៅក្លឹបបិសាចក្រហមជំនួសកន្លែងរបស់ Mourinho ដែលកំពុងដឹកនាំក្រុមមិនបានល្អ។ United ត្រូវបានរាយការណ៍បានធ្វើការទាក់ទងពិភាក្សាជាមួយ Zidane ដែលកំពុងនៅទំនេរគ្មានការងារ។
ប៉ុន្តែផ្អែកតាម The Sun បានចុះផ្សាយថា Zidane បានទូរសព្ទទៅកាន់ Mourinho ដើម្បីបន្ធូរការភ័យព្រួយ និងបានបង្ហើបថា អ្នកតំណាងរបស់លោកបានសួរតើចង់កាន់តំណែងនៅ Man Utd ទេ ប្រសិនវាទំនេរ? ទល់នឹងពេលនេះ Mourinho ត្រូវបានក្លឹបផ្ដល់ឱកាសមួយសប្ដាហ៍ទៀតដើម្បីបង្វែរស្ថានការណ៍ឲ្យល្អឡើងវិញ។
៧ប្រកួតក្នុងលីគរដូវកាលនេះ Manchester United បានចាញ់៣ប្រកួតទៅហើយដោយថ្វីជើង Brighton , Tottenham និង West Ham កាលពីចុងសប្ដាហ៍។ ពាក់កណ្ដាលសប្ដាហ៍នេះពួកគេត្រូវជួប Valencia នៅ Champions League៕